KIA Umnak Momauk Lei Ah Ralhrang Nih Hriam Ngan In An Kah.

Kachinram kulh, Momauk peng ah nihin zanlei sang sml.3 le cheu hrawng ah Ralhrang nih KIA umnak lei Sehat khuapawng I Tower tlang timilei ah hriam ngan (miakpi) pawl in an kah tiah khuami sin in theih asi.

Momuak hrambunh I aum mi Khah Mah Yah 387 le Khah Mah Yah 320 hna hi KIA umnak lei Tower tlang lei  I hriam ngan in akap tu cu an si tiah min chim aduh lo mi pakhat nih the 74 media sinah achim.

Tower tlang lei hi hriamngan in voi 10 nak tlawm lo an kah tiah theih asi. Cun Momuak peng lei ah hin tuzing ah ralhrag lei minung 100 hrawng cu an rak phan chap tiah khuami pakhat nih cun achim chap. Tu kum chung ah KIA le ralhrang hna karlak kah nak atam bik nak hmun cu Momauk peng hrawng hi asi I, atu ah ralhrang le KIA karlak kahdoh nak adaih nak hi thlakhat chung hrawng asi cang.

Thawngpang dang….Kata Peng Kahdohnak Ah Rallokap 40 Leng An Thi: Sagaing ramthen, Thichaih peng le Kata  peng kahdohnak a chuah hnu ni tlawmpal ah rallokap lei in minung 44 an nunnak a liam,hliamtuar mi zong tampi an um tiah khuami hna nih an chim.

June 24, ah Kata peng, Muta Swe Kyawng Kung khua pawng ah rallokap he kahdohnak ah ralhrang lei in minung 30 hrawng an thi tiah Kata mipi vengtu phu (KPDF) nih cathanh an rak chuah.May 30 ah khan, rallokap lei in minung 8 an thi, minung 10 renglo nih hliam an tuar ,cu hnu ah rallokap lei in minung 3 an thi than. Cu kahdohnak ah KPDF in minung 5 an nunnak a liam.

Kata peng ah June 28 tiang ralhrang nih phungning lo in tlaihmi minung 19 le nunnak a liam mi 5 an si tiah (KPDF) nih cathanh an chuah.

Cu kahdohnak ah PDF phu sinah Kachin ralkap (KIA) an i tel tiah chim asi nain, KIA/KIO lei thawng chimnak nawlngeitu Tongmangham Naw Bu nih KIO lei in cu bantuk langhter nak cu a um lo.

Kachin khuami hna nih cun, cuka hmun kahdohnak cu KIA cawlcanghnak hmunhma a si caah KIA he fonhin kahdohnak ah an i tel tiah ruah asi. Ralhrang kuttang rallokap sakhan, palik sakhan cu KIA nih atu le tu kahdohnak a tuah, cu kahdohnak ahcun Sagaing ramthen cheukhat hna zong an i tel. Source; The 74 Media

Author: Main Editor

Leave a Reply

Your email address will not be published. Required fields are marked *