KNLA le Ralhrangbu i kahnak ah a thi mi cazing langter a si. A thi mi an tam bak ko

KNLA le Ralhrangbu I Kahnak Ah Rallokap 250 An thi, 100 leng An Tli Nihin August 4 ah Mon ramkulh Tathung pengah kahdoh dingin a ra mi ralhrangbu hna cu KNU/KNLA nih an kah hna i rallokap 250 nak tlawmlo an thi tiah theih a si. Ralhrangbu tat-mah 99 tang tatyin hna cu Tathung peng, Nanawttaw khua pawngah KNU nih tuzing zinglei sangah khan lam ah an bawh hna i an kah hna hi a si.

250 leng an thih hlei ah rallokap 100 leng cu an uniform phawih in an zaam tiah KNLA he a naihniam mi hna sin in theih a si.

KNLA le ralhrangbu hna hi tuizing suimilam 8 hrawng in 12 tiang an i kap.I kahnak hi ralhrangbu leiin kahdoh dingin thazaang tampi he an rat lio ah KNLA nih lam in an bawh hna i an kah hna.

KNLA lei zong 3 an nunnak a liam. KNLA nih ralhrangbu hriamnam zeimawzat an lak tiah Ayeyarwaddy Times nih a tial. Cre-TCP

Thawngpang pang..Rakhine Ralzaam Singkhat Leng An Khua Ah An Kir Ngam Rih Lo 2018 in AA le ralhrangbu hna kum 2 chung kahdohnak ruangah ralzaam 240000 leng an um. Atu an ram a daih deuh ruangah a kir than mi zong an um nain a kir kho rih lo mi sing 1 leng an um rih tiah theih a si.

Kir cu kan duh tuk cang.Mah tluk rethei, harsa bu in a hodah a um peng rih duh lai. Kan khua he falawng 1 lawng a hlatnak hmun ah ralhrangbu Batalian pakhat an um peng.

An i kap than lai lo ti chim khawh a si tikah zeitikdah kan kir ngam lai tiah Setipin ralzaam hmun ah a um ve mi U Khin Maung Win nih a chim. Myauk-u, ralzaam hmun ah a ummi hna zong an khua ah ralhrangbu an lutchuak, umhmun an khuar peng rih caah le an khua pawngkam ah bomb tampi a um caah an kir ngam rih lo tiah Daw Win Me nih a chim.

Rakhine Ethnic Congress (REC) nih a chim ningah Rakhine ralzaam hmun in a kir kho rih lo mi ralzaam sakhan ah a um lio mi 68,000 hrawng le sakhan lenglei ah a um mi 40,000 hrawng an um tiah theih a si.

REC chungtuan Ko Zaw Zaw Htun nih; a kir mi hi an tam rih lo. Sakhan chungah 68,000 hrawng an um rih, sakhan lengah a um mi hna hi an chungle sinah a um mi hna, anmah tein inn a hlan mi hna an si.

Khua cheukhat cu a rawh dih ruangah le ralhrangbu pawl an um peng rih ruangah ei din kawlhawlnak ah a hlan bantukin an tuan kho lai lo ti an phan ruangah an um rih mi a si tiah a ti.

Rakhine ralhrangbu council nih May thla dih hrawngin a kir duh mi hna min cazin hna an lak i, phaisa le facang hna an bawm nain chungkhar 160 hrawng lawng an kir.Atu cu furpi a si pin ah zawtnak a tam caah an kir kho rih lo tiah theih a si.

Covid ruangah ralzaam hna cu thal 2 deng ei din le bawmhnak dangdang an hmu ti lo tiah theih a si i, ralzaam hna nih an khua ah kir ding ahcun an khua pawngah bomb a um mi hna thianh piak ding le ralhrangbu hna zong thial piak dingin an nawl hna. Ref- WN

Author: admin

Leave a Reply

Your email address will not be published. Required fields are marked *