Lai Baptist Church Yangon an thil tuah mi uar um tuk

Lai Baptist Church, Yangon nih COVID-19 dohnak he pehtlai in an riantuannak an thanh LBC COVID-19 Prevention Committee (CPC) Riantuannak Tlawmpal. CPC komiti cu July 15, 2021 in dirh le riantuan thawk a si. Kan thawkka ahcun cylinder dur 2 tein kan thawk nain zumtu u le nau tanpinak in atu cu mizaw oxygen a herh mi (LBC + Non-LBC) sin ah oxygen liters 5000-6000 kar kan pek cang hna. July thla tantim in nihin tiang (zarh 2 fai) ah tangka sing 300 hrawng kan hman cang.

Pastor Za Uk Sang thithruainak in volunteers mino 9 nih nifatin dinh caan ngei loin oxygen lak le thiar tuanvo an lak i mizaw an chanh hna.

Cun, sii-inn le mizaw thloptu tampi nih Covid mizaw an hrial hna lio ah mizaw sin bak ah mah mipum kal in Dr. Za Za, Dr. Jemimah le Dr. Ni Tin Tial nih an thlop hna.

Cu pin ah Tele consultation caah siibawi 4 le nurse sayamate an um. Nizaan August 4, 2021 in mizaw le midamka caah sup kan chuanpiak hna i kan chanh hna. Nizaan cu Butiria buti dawr, (Lily Bawi) nih a chuan he a phawtzamh he a kan tlawmh, inn 17 ca mizaw 30 kan chanh hna. Nihin August 5 hi Pi Mah Cin le chungkhar nih an kan tlawmh i inn 20 ca minung 35 sin kan phan kho.

CPC bawmchantu le tanpitu vialte Pathian nih thluachuah in pe hna sehlaw nan pekchanh mi zong kan hawile a damlo mi caah damnak bawmtu si ko seh. Cred-THT

Mizoram ralzam kong..Mizoram ah Myanmar ralzaam dornak hmun sakchap ding in timhtuah. Myanmar ram in Mizoram ah a chuak i,

a va dor mi hna an umnak camp cu Mizoram khuami hna nih kau deuh le tam deuh in sak ding in timhtuahnak an ngei, tiah kan theih. Mizoram Camphai District um mi Zawlsei khua i ralzaam hna umnak Relief Camp ah ralzaam minung an i tlum ti lo ca ah August 4 thok khan kau deuh in sakchap ding in an i timh hi a si.

Hi Zawlei khua relief camp saknak caah Khuagthing khua upa pawl nih a herh mi rua le mau damhnak lei ah pumpek in an tuan i,

motor khat phur tluk an hlam khawh, tiah LPS news nih a langhter. Atulio ah Zawlsei camp ah hin ralzaam minung 100 tluk an i dor i, minung 40 hrawng tlum ding hmun sakchap ding in an i tim tiah kan theih. Hi Zawlsei relief camp hi 2021 kum ah MAH le a ralkap nih Myanmar ram ah uknak a lak hnu in Chin miphun ralzaam tampi an umnak a si, tiah kan theih. Cred-THT

Author: admin

Leave a Reply

Your email address will not be published. Required fields are marked *