Min Aung Hlaing Hruaimi Ralhrang Phu hriamnaam zuarh ti lo ding in UN ah biatung dirhtu nih Thantlang inn kaang kong ah a nolh than

 November 2 Thantlang inn kaang sining zoh tik ah Ralhrang Phu hriamnaam zuarh ti lo ding UN nih tlangtlak a herhning a lang chinchin tiah Nuhrin Covo kong UN ah biatung dirhtu Tom Andrews nih a chim than.

Chin Ramkulh ah an ralkap le hriamnaam ngan phuntling an chiah hnu ah Thantlang cu mei in an khangh. Min Aung Hlaing (MAH) te phu tangka lut le hriamnaam cawk zuarh nak kong hi UN nih direct in dan a tat i a phihkhar awk a si, tiah Tom Andrews nih a chim.Aluancia June thla lio UN meeting ah MAH te phu hriamnaam zuarh ti lo ding in bia an rak chah. Asinain, UN General Assembly biachahnak lawng a si i Security Council nih bia a chah mi kha UN chungtel ram nih an zulh ding a si.

cun Security Council nih biachahpiak ding cu Tom Andrews le ramchung ramleng Phu dangdang hna nih biatung an rak dirh. October 29 zing in zaantim tiang Thantlang khua Ralhrang nih an khangh i Biakinn 2, Quarter pakhat tel in inn 164 an rak khangh. Credit; the hakha timesThawngpang dang relchih…Kachin Baptist Convention (KBC) Le Ralhrangbu Remdaihnak Committee Tonnak An Ngei , Nov 1 ah khan ralhrangbu Bochohci Ya Pyih hruaimi National Solidarity and Peace Negotiation Committee (NSPNC) le Kachin Remdaihnak Sertu Bu (Peace Talk Creation Group) le Kachin Baptist Convention (KBC) hruaitu hna cu Naypyidaw ah tonnak an ngei tiah theih a si.

PCG in U Laman Gunja (ဦးလမိုင်ဂွန်ဂျာ) le U Khun Aung an kai. Tutan hi thlanglei hriamtlaibu hna he ramdaihnak kong biaruahnak a um khawh nak dingah ralhrangbu nih karlak riantuantu bu hna tonnak an ngeih a voikhatnak a si. Tonnak ah aa telmi hna pehtlaih khawh an si rih lo caah zei kong dah an i ceih ti theih a si rih lo. Tulio boruak ah KIO he tonnak tuah hlan ah Kachin mipi nih an i tihzahmi KBC le PCG hruaitu hna he tonnak an tuah hmasa hi a si. Ralhrang nih nawlngeihnak an lak hnu March thla ah Wah, Mai La (မိုင်းလားအဖွဲ့) le SSPP hna he tonnak ngeih aa zuam nain a hlawhtling lo. Thlanglei hriamtlaibu dang hna he zong ralhrangbu nih remdiahnak kong ceih dingin an sawm lengmang hna nain atu tiang an hlawhtling kho lo.

Tlangcung hriamtlaibu hna nih ralhrangbu sawmnak cu zeihmanh lehnak an tuah lo tiah theih a si. China he pehtlaihnak dirhmun, ramchung ramleng nawrnak le covid zawtnak ruangah umkalnak a har tuk rih cu ruang ah cun lehnak kan tuah rih lonak a si tiah an chim. Credit. T C P

Author: Main Editor

Leave a Reply

Your email address will not be published. Required fields are marked *