Min Aung Hlaing Saduhthah Atling, Tlangcung Hriamtlai he Tluang Tein Tonnak An Ngei

Ralhrang bawizik Min Aung Hlaing nih aa ngeihmi remdaihnak sertu bu The Myanmar junta’s peace negotiation committee le tlangcung hriamtlai phu 6 hna cu ton biaruahnak an ngei. Hi ton biaruahnak ah tlangcung hriamtlai phu a kai mi hna cu, United Wa State Army (UWSA). Mong La’s National Democratic Alliance Army (NDAA), Arakan Army (AA), Ta’ang National Liberation Army (TNLA), Kokang’s Myanmar National Democratic Alliance Army (MNDAA) and Shan State Progressive Party/Shan State Army North (SSPP/SSA-N) hna an si. Tutan ah Kachin Independence Army (KIA) an I tel duh lo.

 

Tutan tonnak ah tlangcung hriamtlai phu leiin hruaitu bik hi Wa a si. Hi tonnak ah aa telmi EAOs members hna cu Federal Political Negotiation and Consultative Committee (FPNCC) tiah kawh an si. Min Aung Hlang pumpak in aa tel lo nain athlahmi Lieutenant General Yar Pyae, the junta’s minister for the Union Government Office and the chairman of the junta’s National Solidarity and Peace Negotiation Committee nih EAOs members tonnak cu a hruai hna.

Tonnak a tawlreltu bik, khuakhangtu hi China asi bantuk in China leiin representative zong aa tel ve. Aliamcia Nov. thla ah khan Chinese Special Envoy for Asian Affairs Sun Guoxiang cu Min Aung Hlaing he Naypyitaw ah tonnak an ngei. Cu tonnak an ngeih lio ah cun, Min Aung Hlaing nih tlangcung mi he tonnak kan ngeih khawhnak hnga ka bawm tiah a rak chimh tiin report nih alanghter. Cu hnu tlawmpal ah China tlangtlaknak in nithumni/Wed ah khan remdaihnak kongah tonnak an ngeih hi asi.

Tutan tlangcung hriamtlai he tonnak ah hin The committee’s secretary, Lieutenant General Min Naung, former lieutenant general turned peace commissioner Khin Zaw Oo le ralbawi zeimawzat zong an itel hna. Meeting tuahnak Min Aung Hlaing ralkap nih MNDAA le TNLA hna he zong ikahdohnak kan ngol lai tiah ati. MNDAA le TNLA hi Arakhan Army (AA) he aa bawmmi Three Brothers Alliance tiah aa timi hna an si. Aliamcia caan vialte ah NCA minthu duhlomi an si hna.

Ralhrang nih NCA ah MNDAA le TNLA hi a sawm duh bak lomi hriamtlai phu an si. Cu caah Kawl ralkap nih AA cu NCA ah itel dingin a sawm zongah MNDAA le TNLA an I tello ahcun NCA meeting ka kai kho lo tiah a rak ti pengmi kha asi. Tutan ah EAOs members hna hi NCA minthu lomi lawngte kha an si hna.

Kawlram tlangcung hriamtlai hna lakah thazaang athawng bakmi phu an si hna. Zeiruang ah dah NCA ah tel duh hleng loin tutan hitluk rambuai lio ah Min Aung Hlaing he remnak ser an duh ti hi ruahlo awk atha ti lo. Rambuai hi anmah karkalak lawng bih in riantuan aa timmi si dawh in an lang cang. DCS

Author: admin