Min Aung Hlaing tlaihpiak ding (warrant) in cakuat an tial

Rammi tamtuk a thah hna i sualphungngan a buar (crimes against huminity) tiah Min Aung Hlaing tlaihpiak ding (warrant) in cakuat an tial, tiah theih a si. Hi cakuat tialtu hna hi UK hrambunh Myanmar Accountability Project (MAP) an si i tehte tling he International Criminal Court (ICC) cakuat an tial cang.”Kan cakuat (report) hi tehte tling ngai in tial mi a si caah ICC nih an kan tawlrelpiak lai zumh a um ko,” tiah MAP an chim. Credit; The Hakha Times

Thawngpang dang..India ram leng in Mizoram state ah a rak lut mi hna cu quarantine an si cang lai. Health and Family Welfare Department nih tulio covid zawtnak thar ‘Omicron’ he pehtlai in, ramleng(foreign) in a rak lut mi hna quarantine ning ding kongkau ah phunglam an ser mi cu AIzawl DC Dr Lalhriatzuali Ralte nih a taktak in Aizawl District ah hman a si lai kong a chim. A si khawh chung cu Home quarantine an si lai kong a langhter.

Fakngai in kahdoh a chuahnak hmun Kanpalat khua ah December 9, ni ralhrang phu le Kanpalat mi zapi vengtu ralkap (CDF- Kanpalat) kar kahdohnak a chuak than tiah theih a si.Rallam a sialmi ralhrang phu hna nih Pakun(ပါကွင်း) khua minung umnak inn 7 cu mei in an khangh piak hna leng ah cycle 2 le thilri hna cu an hrawh an soksaam dih cun, an thilri hna zong an fir piak hna.

Kanpalat khua mipi hna nih phaisa kawlnak ah a bik in an tuahtuan chung in an cinthlak cia tawl-re-ba hna cu mei khangh in an hrawh piak hna. An hrawhmi dihlak hi tulio phaisa in sing 100 leng man a si. SAC phu hna nih meikhangh in an hrawhmi mipi umnak inn rawk mi hna cu kan langhter ko tiah Kanpalat peng mipi hruaitu phu nih nihin December 10 ah cathanh an chuah.

Author: admin