Mipi Kilveng Tu Ralka (PDF) le Kawl Ralhrang Kahdoh Nak Ah Minung 27 Nunnak Aliam

 Sagaing ramthen Yinmapin District Kani myone mipi kilveng tu ralkap PDF le  ralhrang pawl karlak ah voi 30 hrawng kah dohnak achuak i mipi kilveng tu ralkap lei in minung 27 nih ram caah nunnak an pek cang tiah nihin July 1 ah thawngthanh nak ca an chuah.

Kani mipi kilveng tu ralkap PDF nih cun “atu tan ram buainak ah hin kawl ralhrang pawl cu April thla thokin Kani myone ah an rak luh.

April 4 le June 6 ah kawl ralhrang pawl cu Kani khuapi I sang 3 le khua 51 ah an lut i sui, tangka, bike le thilri dangdang le inn zuat tilva tiang an fir dih pin ah mipi nih an chiah tak mi thilri vialte cu an rak hrawh piak dih hna.Cu lawng cu si loin aum sawh sawh ko mi minung 42 cu kut an thlak hna i an hrem hna I cun 39 hi an tlaih hna cun minung 4 hi cu an hrem hna nak ah an rak thi.

Hi ruangah hin Kani myone chungin mipi thawng 50 hrawng cu khua an chuahtak i ramlak ah an zam hna ramlak I an va zam nak hmun ah hin kum 9 asi mi pa pakhat cu raifanh zawt nak in athi.

Kawl rahrang pawl cu Democracy uknak a duhtu phu dang he ttan tti in kan nheihchun hriamnam in kan him nak dingah kan doh  ve hna. Kani myone Chungah kawl ralhrang he hin voi 30 hrawng kan I kap. Hi kahdoh nak ah hin kanmah mipi kilveng tu ralkap PDF lei in minung 27 cu ram le miphun can an nunak an pek.A Tu ah kahdoh nak cu fak deuh chinchin in hramthok a si cang i, mipi lei zong nih ei le din siseh, cun thilri dang aherhbau mi vialte cu tawlrel cia in le kan nun nak a himnak caah dornak le thuhnak tibantuk pawl cu niat cia dingah kan in theihter duh hna.

Khua kip le pengkip ah thawngthanh tu kan chiah dih hna i, ralhrang an si ah, ralhrang phu he riantuan tti Pyu Saw Htee pawl le dalan pawl  cawlcangh ning pawl cu kan palai pawl sinah  chim khawh lengmang singin kan in sawm duh fon hna.Cun  Mipi kilveng tu PDF lei nih an himnak caah an rak in panh hna a si ahcun him tein rak nan rak chiah hna nak lai zong ka in sawm hna.

Cun a puak kho ding mi thil bantuk lunghrinh mi nan hmuh a si ah cun, PDF sin ah theih ter khawh kan zuam uh, ralhrang uknak cu kan si khawh tawk  cio in doh ding ah I tel ding in kan in sawm rih ko hna,” tiah an ti. Credit;  Kani People Defense Force

Author: Main Editor

Leave a Reply

Your email address will not be published. Required fields are marked *