Mipi Vengtu Ralkap Nih Ralhrang 20 An Thah Hna

Shan ramkulh le Kaya ramkulh ramri Phekhung (ဖယ်ခုံ) peng Khawngih(ခေါင်းအိ) khua le Satdaw(စက်တော်) khua pawng hrawngah nihin November 4, ah ralhrang phu le mipi vengtu ralkap kar kahdohnak a chuah caah ralhrang phu lei in a tlawmbik minung 20 hrawng cu an thi tiah Loikaw-PDF nih a langhter.

Kahdohnak chung ah aa telmi, mipi vengtu ralkap phukomh hna cu Loikaw-PDF, Phekhung-PDF, KA, Demawhsu-PDF, Mubae-PDF,(အလယ်ပိုင်းတိုင်း- PDF), KGZ le KNDF phu hna an si. Cu kahdohnak ah (အလယ်ပိုင်းတိုင်း -PDF) in minung pakhat nih hliamhma a tuar tiah Loikaw-PDF nih an langhter.Ralhrang phu lei nih hriamngan faktuk in an hman leng ah khuachung mipi inn meikhangh in an hrawh, thilri an hrawh leng ah an fir, facang cinnak hmun hna cu pehtlai in an hrawh tiah Loikaw-PDF nih cathanh chuahmi ah an langhter. Credit; Khit Thit Media

Kawl Ralhrang Le KIA Karah Kahdoh Nak Fak Taktak In Achuak, November 4, 2021 Kachinram kulh Engian peng I Tanbawngyan khua pawng ah Kawl ralhrang hna le KIA karlak ah zanlei sml. 4hrawng in kahdohnak fak tatak in achuak tiah thawng theih asi. Chinram lei ah biatak tein ralhrang hna an thazaang an rak chap hnu in KIA hmun hna lei hi kahdohnak fakpi achuah thawngpang arak dai deuh ngai.A si nain lampi ah bomb puah le Nam (ambush) tuah tibantuk hi cu thawngpang aum pah lengmang. Ralhrang lei minung thazaang 170 hrawng asi mi hna cu KIA nih an kham hna I cu caah cun atu bantuk in kahdoh nak fah achuah hi asi.

Atu thawngpang tial cuahmah lo zong ah hin fak pi in an I kap cuahmah mi kaaphnih in athi mi le aahliam mi kong thawngpang cu theih khawh asi rih lo. Cun tu zing zong ah khan Winemo khua pawng ah ralhrang he ttangtti mi Pythutsit sakhan cu KIA le PDF nih an luh hnawh hna I an kah hna.Kachin ram lei lawng si lo in Shan ram thlang lei zongah Kahdoh nak fak ngai in achuak ve, can zeimawzat chung cu Chinram lei lawng ah I kah nak afak I atu November thawk cun kawlram chung hmun kaakip ah kahdoh nak thawng aleng cang. Ralhrang hna sungh nak ni anai cuahmah cang ko.

IMF Nih Covid Ca Bawmhnak Pekmi US Dollar Nuai 370 Renglo Cu Ralhrangbu Kut Ah A Tlau, Ralhrangbu nih nawlngeihnak an lak lai hrawngah International Monetary Fund (IMF) nih Myanmar ram covid-19 khamnak caah tiin bawmhnak a pekmi US Dollar nuai 372 (372 million) cu ralhrangbu kut ah a tlau tiah IMF nih Nov 3, ahkhan an thanh.IMF chimnak nawlngeitu nih Hi tangka hna hi Myanmar ah kan kuatnak thla 8 a rau cang nain ralhrangbu nih covid khamnak ca le harnak a tongmi hna bawmhnak caah an hman le hman lo zong kan thei lo” tiah thawngfianternak ah a chim. Cu lawng si loin ralhrangbu cu Suh Kyi hruaimi NLD cozah bantukin tangka hmannak kongah an felfai lo tiah a chim fawn.

IMF bawmhnak hi June 2020 ah Myanmar cozah sinah a phan. IMF le Myanmar cozah karlak ah hnatlaknak an ngeihmi cu hi bawmhnak tangka hmangin tuanmi, MMK (Myanmar tangka) in nuai 10 leng rian paoh cu IMF theihter ding, cun Myanmar cozah cazin chek zung (စာရင်းစစ်ချုပ်ရုံး) nih covid he pehtlai in thla 3 voikhat IMF sinah theihternak tuah ding le cathanh chuah ding ti hna an si.Kum 2020 chungah IMF nih Myanmar bawmhnak a pekmi dihlak cu US Dollar nuai 728 a si i hi bawmhnak hi vawleicung ramkip i tangka lut a tlawmmi le ngandamnak a chambaumi chungkhar hna sinah IMF nih bawmhnak pek dingin a khiahmi chungin Myanmar zong an pek vemi a si.

Asinain ralhrangbu nih IMF bawmhnak kong he pehtlai in atu tiang zeibantuk theihter hmanh an tuah lo. NLD cozah nih khan Jan 29,2021 ah theihternak an rak tuah i cucu a hnu bik a si. NLD theihternak ca ah cun IMF bawmhnak tangka hmangin kut-hruk, hmur-huh le sii kan cawk tiah an langhter. Ralhrangbu sinah cun IMF nih bawmhnak kan pe ti lai lo tiah IMF chimnak nawlngeitu tu nih thawnglatu hna sinah a chim.

Author: Main Editor

Leave a Reply

Your email address will not be published. Required fields are marked *