Mizoram  Leiah Anluh Pimi Rithai Sii Rs.Ting200 Man Cu Champhai Ah An Tlaih

Myanmar in Mizoram leiah an luh pi mi rithai sii India tangka in ting 200 man cu Champhai palek pawl nih nizan June 22 zan ah khan an tlaih tiah tu zing June 23 ah thawng an zamh.

Rithai sii an tlaih mi hi amin ah Methamphetamine ti a si i a mu in mu 70000 renglo a si. Rithar sii mu tam tak tak cu Vanlalruata timi pa nih Cycle (bike) in Myanmar lei ah a va kal i Mizoram lei ah a rak phurh arak luhpi. Champhai palek check Gate a phak bakah palek nih an rak check i an arak tlaih khawh hi a si.

Valalruata timi pa hi India mi sinak citizen a tlaih i Mizoram chung ah a um cang mi a si i, amah an tlaih hnuah a hawi le midang 3 zong anhlat hlai i bia halnak  an ngeih dih hnu ah an tlaih chih ve hna. Rithai sii an tlaih mi hi India tangka in ting 200 renglo man a si i, tu  lio khuacan tangka thlen in tuak asi ah cun Myanmar Kyat in ting 4000 leng man hrawng a si.

Author: Main Editor

Leave a Reply

Your email address will not be published. Required fields are marked *