Ngaih Achia Hringhran Ko A Hohmanh Bochan Ding An Um Lo

Atu lio Yangon dirhmun cu a chiakha taktak. Nifa ti awk 500-800 kar an thi. Abik in amah lawng ummi ko an ruak in lakmi a tam ngai. Nihin lawng hmanh ah zokhenhtu ngei lo mi pawl inn ka bauh in an inn chung mileng khan le zunput chung ti pawl ah an ruak in an char len hna.

Minung lei in a hohmanh bochan ding an um lo.Cozah le sii inn pawl zong bochan awk an tha lo. Sii le ai bochan awk a tha ti lo. Oxygen hi himnak bik a si rua kan ti Oxygen aa thlaih mi zong an thi thiamthiam.A thi ciami ruak vui ko hmanh a har taktak hui. Thlan hmun a lawng lo. Mi ruak vui ding a khat. Hohmanh nih mi ruak vui an ngamh cio lo.Meikhangh deuh in an tuah hna.Ruak humh le i thut pi a ngah lo. Thih zongah mah te nih i tlangtlak le tawlrel a si caah a fak khun.

 

Cucaah kan rian nganbik cu Pathian sin thlacam i mah le mah i dawt kan pum runven a si. Thih nak kan ton sual zong ah lungthawn i cuh in zumhnak le ruahchannak he in tuarzia kan thiam cio a herh. Pathian dah lo cun hmualpho a fawi te. Kan thinlung i uk khawh a herh lio caan te a si. By Saya Tluang Ceu Thang Ause

Author: Main Editor

Leave a Reply

Your email address will not be published. Required fields are marked *