Nihin Hakha Khua Thawngpang Cu Thinphang Ngai Asi

Nihin January 11, chunhnu suimilam 2:05 hrawng in Hakha khua chung ah meithal kah thawng voi tam ngai theih a si. Khua chung um mi pakhat nih cun, “Meithal kah thawng cu a pehpeh in voi tam ngai kan theih hnu ah bomb puah thawng zong voi 4 kan theih, an bomb hman mi cu a mak bak ko, a thawngpang lawng hmanh nih a kan tlerh dih,” tiah a chim.TCP

Note- Ralhrang nih Hakha ah meithal le Bomb tibantuk hi aherhlo in an kah, an puah lengmang mi hi tlerhkhawnnak asi pinah Russia nih athli tein a chanhmi hriamnam cheukhat pawl cu tonghtham an thiamlo caah heh tiah an cawng ve. Mah an cawnnak puahmi tuktak thawng hi atam deuh cu sidawh asi. Russia nih apekmi hriamnam hi apin taktak mi le atha bakmi an si caah Ruangtlang ralhrang nih an hmang thiam lo caah biatak tein training ipek nak an tuah hna tiah theih asi.

Thawngpang Dang- Tihnung taktak asi, nizan ah US I Bronx apartment building pi a kaang I, achung ah a ummi minung 19 an thi tiah Foxnews nih alanghter. Mah a thimi 19 chung ah 9 hi ngakchia an si. Pawngkam a ummi Rodriguez nih NYP ah a chimning ahcun, zing 11am ah ka lau tuk I, leng ka vun bih cu ngakchia tah-ai-hram aw lawngte ka vun theih. Cu an au-aw ah fiang tein ka theihmi cu Kan chanh u, Kan chanh u timi aw hi asi. Nain meikhu cu khuadawm bantuk in amuih bakin a mui cang tiah ati.

Firefighters nih an zuan hnawh colh ko nain, meikangh afah tuk cang ruangah lungduh in an cawl kho ti lo. Meikangh an hmih khawh dih in achung an luh ah hin inn dawt kip ah a thimi ruak an char hna. Nizan meikangh hlan deuh ah Philadelphia ah inn a kaang hoi I, minung 12 an thi. Mah chungah 8 hi ngakchia an si rih. Hliamtuar hi 50 renglo an si i, cu chungah 13 cu an nunnak caah thinphang an si. video zohnak

Note – Dailychinstar nih a thlahmi thawngpang hi rinhtlak asimi cherhchan source ngeimi an si. Mirang, Kawl tbk thawngpang lehchin in thlahmi a si. Dailychinstar nih athlahmi thawngpang hi athlah hnu suimilam 12hrs hlan ah Website ah copy paste tuah kan siang lo. Suimilam 12hrs hnu ah zalong tein copy paste na tuah khawh. Amahbel Credit tha tein na pek hau lai. Ningcang loin thlennawn piak lo ding in kan in nawl fawn.

Author: admin