Nihin Thantlang kahdohnak ah Chin pasal tha hna minung 3 nunnak aliam.

Nihin Thantlang kahdohnak ah CDF lei 3 nunnak liam, 4 an i hliam i Ralhrang nih inn 530 an khangh cang. Nihin December 8 zaanlei Thantlang khuachung kahdohnak ah CDF lei in minung 3 nunnak a liam i 4 hliamhma an pu, Ralhrang nih December 5 tiang ah khan inn 530 an khangh cang.”Nihin kahdohnak ah minung 3 nih nunnak an pek i 4 an i hliam.

Nunnak petu hna hi Ram Lian.Peng (Hriangkhan), Bawi Za Uk (Thantlang sianginn sang) le Van Tha Ceu (Thau) an si i Van Tha Ceu konglam belte hi a fiang tuk rih lo.

Cun, Ralhrang lei in zeizat dah an thi i zeizat dah an i hliam ti zong kan hngal kho rih lo,” tiah CDF chungtel pakhat nih The Hakha Times ah a chim.

Atu thawng kan tial 9:30 PM (2021 December tiang ah nunnak a petu hna an ruak hi laak khawh an si rih lo, tiah kan theih. Thantlang khua cu December 5 lio ah Ralhrang nih avoi 11nak inn 38 an khangh than, nihin tiang ah inn 530 an khangh cang.Tutan avoi 11nak an khangh mi ah BEHS sianginn-then tel in inn 38 an khangh hi a si.( The Hakha Times)

Relchap…..Ralhrang nih nawlngeihnak lak hnu ah tlaih in thongchung biaceihzung ah a-hmuh kawlpiak a tongmi

Mandalay ramthen Chief Minister Dr Zaw Myint Mawng cu sualpuh mi a hmuh hna chung in a-hmuh 2 caah nihin December 8 ah thong kum 4 thlak ding in biakhiahnak an tuah piak tiah theih a si. Dr Zaw Myint Mawng cu kokek har tonnak a chuahtertu u-pa-di poh-mah 25/30(a) a-hmuh caah thong kum 2 thlak ding in biakhiahnak an tuah piak.

Cun poh-mah 505(b) a-hmuh caah Dr Zaw Myint Mawng cu a sangbik sual rikhiah piaknak in thong kum 2 tla ding ah biakhiahnak an tuah tiah theih a si.

Kokek har tonnak a chuahtertu poh-mah cu Covid rai chungah mi bu tonnak tuah in cawnpiaknak a tuah caah tiah, sualpuh mi a-hmuh a si.

Cun 505(b) a-hmuh in sualphawt a si nak cu ralhrang nih nawlngeihnak an lak hnu ah NLD lutlai phu hna nih cathanh an chuahmi 2 cu tinh chih in party chairman si mi

Dr Zaw Myint Mawng cu sualpuh a tonnak a si. Cathanh chuahmi 2 cu tinhchih in rampi ruahnak pe tu Daw Aung San Su Gyi, president U Win Myint, Naypyidaw in Dr Myo Awng hna zong Naypyidaw biaceihzung in thong kum 2 thlak ding ah biakhiah piak an si.#BBC(The Chin Post)

Author: admin