Nihin Thet Thet Khine Ngeihmi Swe Nan Daw Sui Dawr I Bomb Puak  Kong Ah Yangon PDF Nih An Chim Mi

 Ralhrang rianpek cohlang mi Daw Thet Thet Khine nih ngeihmi Yangon, LanMaDaw i Swe Nan Daw sui dawr ah nihin chunhnu suimilam 1;45 hrawng ah bomb a puak I dawr ahngak mi nu hliam atuar tiah theih a si.

Riantuantu nu pakhat hliam a tuar mi cu zeitluk fak asi ti theih asi rih lo.  Dawr i sui hna zong an i telchih tiah Swe Nan Daw suidawr rian tuantu pakhat nih BBC ah a chim. Ralhrang rian pek aco hlang mi Thet Thet Khine I sui zuarnak dawr cu  atu cu an khar I ralhrang phu pawl nih apawngkam hrawng ah checkhlat nak an tuah cuahmah.Hi ka hmun I bomb apuah tu hi kan mah Yangon PDF phu kan si ko, asi nain Sui pawl zong an lak tiah rian ngei tu hna nih an chim mi tu hi cu kan mah PDF phu he kan I petlai lo tiah Yangon PDF phu chungtel pakhat nih cun Yangon khit thit media sinah achim. source; khit thit media

Thawngpang dang relchih…Ni Hin Ah Mipi Sinah Nawlngaihnak An Pek Than Ahcun  Thaizing Ah CDM Pawl Rian Kan Lut Dih Lai;Atu hi Kawlram ah Covid Third Wave kan ton cuahmah lio pi a si. Kawl Ralhrang nih rampi nawlngaihnak a lak caah sii lei riantuanmi tampi cu CDM ah an lut.Atu lio kan boruak le kan tonmi zoh ah ralhrangbu nih mipi sinah nawlngaihnak a pek than a si ahcun CDM a lut mi Sii lei riantuan tu vialte nih kan rian ah kan lut than lai tiah Sergeon Bo-kyi Min Maung Maung nih a chim.

Sergeon pakhat a si ve mi Bo-kyi Min Maung Maung hi No. 14 sii tat-yin siibawi pakhat a si i, ralhrangbu nih nawlngaihnak a lak hnuah spring revolution ah a lut ve mi a si. Atu covid dirhmun zoh ah ralhrangbu le a tanhtu hna nih CDM a lut mi sii riantuan pawl sual an phawt mi hi zeitin hmanh cohlang awk a tha lo. Ralhrangbu nih nihin ah mipi sinah nawlngaihnak a pek ahcun thaizing ah rian ah kan lut than dih lai.

Atu siibawi pawl zoh ah Kawlram mipi nuai 56 he tahchun ahcun mi tlawmte kan si. CDM a lut mi mahtluk kan tam mi ruah ahcun zeitin hmanh ruah ah a si kho lo. Ralhrangbu nih uknak an lak caah mipi nih ngandamnak lei ah an tuar taktak. Atu Covid-19 third wave doh hi Kawlram ca ahcun thinphan a um ngaingai tiah a chim.July 7 tiangah Kawlram ah Covid-19 zawtnak an hmuh mi 175923 an um. A thipi 3570 an si. July 7 nikhat chungah zawtnak hmuh mi 3570 an si i, minung 57 an thi tiin ralhrangbu ngandamnak lei riantuannak nih a thanh. source; Khit thit Media

Author: Main Editor

Leave a Reply

Your email address will not be published. Required fields are marked *