Ningzak Lei Khi Si Ramchung Mipi Kilveng Tu Doh Ding Ah Ralhrang Pawl Vanlawng Bakin An I Thawh

 Sagaing Ramthen Chung PDF Pawl Biatak Tein Doh Dingah Helicopter In Ralhrang Tam Ngai An Chiah Hna. Sagaing ramthen chungah a cawlcangmi PDF pawl biatak tein doh dingah ralhrangbu nih Helicopter in ralhrang tam ngai a chiah hna tiah ralhrang media pakhat a simi Tala Shwe May (သလ္လာရွှေမြေ) nih a tial.

Oct 28, tuzing ah Helicopter 6 le Jet Fighter vanlawng hna in Tanhse le Kyun Hlah (တန့်ဆည်နှင့် ကျွန်းလှ) lei ah an zuang i leikuang thlam hna an kah len hnuah ralhrang tam ngai an thlak hna tiah theih a si.

Ralhrang nih umkalnak ah tang lam (mawtaw lam) an hman ahcun lampi ah kah le bomb puah hnawh an ton lengmang caah atu bantukin cunglei in an phurh hna hi a si tiah tualchung PDF cheukhat nih an chim.Cun hi lak ah thawngtha pakhat asi ve mi cu, Nifatin In PDF Pawl Bia Thalo In A Vawlpaamtu Lenmang Tu Dalaan An Fimhlawm Cang. October 28| Ayeyarwaddy Ramthen, Bukalay Peng ah PDF pawl nifatin in a vawlpaamtu Dalaan San Maung cu nihin zinglei 10:00 AM tluk ah meithal in an kah i a thi.

San Maung hi Crony zong a si i Dalaan lianpi zong a si. Kawl ralkap sin ah nifatin thawng a pek hna i PDF pawl biathalo in a vawlhpamh lengmang hna ruang ah kan kah mi a si,” tiah Rammi Ralkap Phu pakhat nih an thanh tiah Ayeyarwaddy Times nih a langhter.

Thawng pang dang… Sagaing ramthen Kawlin peng ah Oct 27, nizan zinglei 2:00 am ah ralhrang 100 hrawng cu mip vengtu ralkap nih hmunhnih in an kah hna caah ralhrang 40 hrawng an thi tiah NUG Runvennak Vuanci nih Oct 28, tuzing ah thanhnak a tuah.

Sagaing ramthen, Kawlin peng nichuahlei Kyaukpintha (ကျောက်ပြင်သာ) khua le Kachin Gone (ကချင်ကုန်းရွာ) khua karlak i hmunhma a lami ralhrang 20 hrawng le an hnuah aa din liomi ralhrang 80 hrawng cu Kawlin PDF nih caan khat ah hriamngan in an kah hna i ralhrang 40 hrawng an thi, Kawlin PDF lei pakhat tlawmpal hliam a tuar tiah theih a si. A thimi ralhrang hna ruak cu mei in kan khangh hna tiah  Kawlin PDF nih cathanh an chuah. Credit: Khit thit media.

Author: Main Editor

Leave a Reply

Your email address will not be published. Required fields are marked *