Nu Kum 12 Atling Cangmi Caah Abiapi Tukmi Asi

Kumtling (12 cung)a si cangmi nu pakhat cu thla fatin a thi a rat le a rat hlan ah a rangmi a chuah hi cu normal a si ko. A sinain thi ngeih a si zong ah, a rangmi a chuah a si zongah a rawng (colour) kha zoh in Nauin a dam le dam lo kha theih i, i ralrin khawh a si. Cu tikah a herhmi i zohkhenhnak hna zong a hlan kan in tuah khawh a si.

  • A rangmi rawng(white colour): A rangmi a si loah cream rawng a si ah cun ngan damnak a tha tinak a si ko. A sinain a haw a nam ah cun hrik a lut tiin ruah khawh a si caah sibawi sin ah na zoh ter a hau. A haw kha a tler tuk lo a si ah cun Sibawi sinah zohter a hau lo.
  • Aihre rawng (yellow colour): Aihre rawng in a chuah a si ah cun a tam deuh cu a thak, a fak tiin um khawh a si i a haw tu cu a tler tuk lem lo. A chuakmi a tlawm ah cun lungretheih awk a um lo nain a chuakmi a tam i ni fatin deuh thaw in a chuah a si ah cun nauinn ah hrik a lut kho, a phing khomi a si caah Sibawi sin ah i zoh ah a tha.
  • A hring rawng (green colour): A hringmi rawng in a chuah a si ah cun na zunkawng ah hrik a luh ruang ah a si kho, nauin a phin ruangah a si khawh caah si-ai in i thlop a hau.
  • Sen dang(Pink colour): Thi rat hlan ah pink colour in chuah caan a um tawn i nitam pi cu a chuak bal lo. Nu i kan ci a thih i a tilhnak a langh ternak kha a si ko caah lung retheih awk a um lo.
  • Meikhu rawng (gray colour): Meikhu rawng in a chuah a si ah cun bacteria hrik a luh ruang ah a si i thinphan awk ngai a si tiah kan chim khawh. Hi bantuk in ni fatin te a chuak kho i nu chiatha pawngkam vialte a thak, a fak in rimchia a chuak tawn. Sibawi sin ah i zohter hrimhrim ding a si.

Senduk(dark red) : Na thi a rat lio ah a chuakmi thi kha a sen mi, a sen eu, sen duk rong hna an si kho i cu bantuk rawng in an chuah ah cun normal a si ko. Cu ti si loin thi kha senduk rong hmanh ah a nak deng mang a si ah cun nauin chung ah zawtnak pakhatpkhat a um khomi a si caah OG he tha tein zohkhenhnak na lak hrim a hau. Daithlan lo ding.

Author: admin