October 16, 2021 Falam Pengchung Kah dohnak Hnu bik Update

October 16| Falam Peng chung kahdohnak ah CNA, CNDF, CDF nih Taal khua pawng ah a taap mi SAC ralkap motor 7 an hrawhpiak cang hna, tiah kan theih. Hi hna hi Kalaymyo-Falam in Hakha lei ah kal aa tim mi an si i motor 60 tluk chung ah 7 an hrawhpiak cang hna.

Hliam mi 20 in 30 kar an si cang lai. A thi mi zong an tam cang lai nain fiang in theih a si rih lo. Taal ah hin an hren hna. Falam lei zong kir kholo, Hakha lei zong kir kholo in an tuah hna. Kiangkap khuami zong kan zaam dih, tiah min langhter lo mi kiangkap minung pakhat nih The Hakha Times ah a chim.

Hi hna pawl zuanhnawh ding ah Hakha um SAC ralkap pawl zong an ra i CNA le CDF nih an nam hna i Hakha lei ah an kir than tiah theih a si. Atulio Falam Peng kahdohnak he pehtlai in SAC ralkap nih Rialti khua 10 an khangh dih, Thlanrawn khua inn 12 hrawng an khangh i Tuphei khuami 2 an thah hna, tiah kan theih.

Oct 14 lio ah khan Falam in a chuakmi Tank 2 telh in ralhrang mawtaw rual hna cu Falam peng chungah CNA, CDF le CNDF nih Oct 14 le 15 ah an kah hna hi a si. Kahdohnak i a thimi le hliamtuarmi hna kongah tuanvo ngeitu hna nih Azat fiangfai tein fehtermi le thanhmi a um rih lo.

CNF chimnak nawlngeitu Salai Htet Ni nih cun “Kan hmunpi an naih khawh lonak dingah kan kham lai. Cun an rak naih khawh zong khi va si ko sehlaw kir than ding a fawi ti lai lo” tiah a chim. Credit The Hakha Times

Author: Main Editor

Leave a Reply

Your email address will not be published. Required fields are marked *