P.Thawng Bawi Nih Charity Concert For CDF (Hakha) In Hmuh Mi Cu CDF Sinah Apek Cang

  CHARITY CONCERT FOR CDF (hakha) tiin Oct.16.2021 ah favebook Live in  Nan rak pek (Hlut) mi phaisa dihlak cu $30804.95 asi. Cu chung cun hmannak (Expense) kan zoh dih hnu ah a taang mi zaapi cu. 1. CDF Hakha le Thantlang fonhmi (USA) sin ah $5000 pek asi. 2. CDF hakha sin ah INR 1,271,480 kan pek khawh hna. Phaisa a rak thotu nan dih lak cung ah kan i lawm tuk. Bawipa nih lunun ngandamnak in pe cio hram hna seh.  Concert a chuah khawhnak ding ah zaanghlei cawi in a ka bawmtu.

Thawng Pi Lian (Event Organizer) USA cun Hlasak in a ka bawmtu, DJi le Mang Hlei Tial, Band le sound le Light le a Dangdang vialte a ka bawmbik tuk, Thangbawiha (EME Record) Phaisa luhnak lei in a ka bawmtu, Pau Lam Piang (Kimo resturent) le Sui Ceu Lian (CCN) Europe lei in a rak ka bawmtu ka kawipa, Sui Lian (Norway) le Nawl Uk Lian Hlawnceu (Denmark), Cun a dangdang in a ka dirhkamhtu kan nu Dadeo, A bik in phaisa a petu nan dih lak. Nan zaapi te cung ah kaa lawm tuk. Love You All. Crd;P.Thawng BawiNov 3 Mindat-Matupi kar i kahnak ah Min Aung Hlaing Uico Pawl Tamngai An Thi  Nihin Mindat-Matupi kar i kahnak ah MAH Uico Pawl tamngai an thi I CDF-Mindat in pakhat nih a nunnak a pek i Pahnih hliamhma an pu. Matupi in Mindat lei ah a kir tthan mi tank pahnih le ralkap motor 75 cu CDF-Mindat nih Mindat-Matupi kar lam hmunkhat ah an kah hna.

Cu kah nak ah cun Ralkap 10 tluk an thi i hliamhma pu mi an tam. CDF-Mindat lei in Pathum an hliam i pakhat cu a hliamhma a ngan caah a hmun ah a nunnak a liam. A dang pahnih hliamhma cu thinphan ding a um lo tiin CDF-Mindat chimphuan nak nawl ngei tu pakhat sin in kan theih. Source – CDF MINDAT SPOKESPERSONChinram Chung Kahdoh Nak Afak Mizaw Phur Motor Ralhrang Nih Ankah Hna. Kalay pawngkam khua pawl hna cu ralhrang hna nih hriamngan in an kah hna  an khua an tliktak dih tiah khuami sin in theih asi. Ni hin November 3 zing lei ah khan hriam ngan cu khuachung ah an kah  inn lakah an tlak hna khuami chung zong in athi mi an um i khuami dihlak ti awk in an zam dih hna tiah theih asi.

Khua in atli kho lomi khua ah kum upa deuh pawl an um rih, cu hliam atuar mi zong tamngai an tang rih men lai khuachung ah luh khawh asi ti lo caah  thawngpang fiang tein theih khaw asi ti lo tiah khuami pakhat nih cun achim. Natchuang khua chung ah hin minung 3 hriamngan nih ahliam hna i hliam tuar va lak dingah akal mi Mizaw phur motor zong ralhrang nih an kah. Cun meithal kuan nih akhen mi hna valak dingin akal mi motor pakhat zong an kah i mi bawmtu 2 kuan nih akhen hna.Kalay- Gangaw lampi cung ah aum mi khua Sithar, ah um hmun akhuar mi ralhrang hna nih Natchaung, Nanmuang, Chuangkhuah, hrawng hi hriamngan in an kah lengmang caah kahnak achuah hi asi tiah khuami pakhat nih Khit Thit media sinah achim. Kalay- Gangaw lam pi ah hin Nov 2 thawk khan ralhrang hna le PDF ralkap pawl kahnak afah caah  ralhrang hna nih hin Hriamngan he hme he khuachung kip an kah hna hi asi. Source: Khit Thit Media

PDF Nih Ralhrang Bomb An Puah Hnawh Hna, Ralhrang 23 Thi. Sagaing(စစ်ကိုင်း) ramthen, Htee Cheih (ထီးချိုင့်)peng ah ralhrang mawtaw run cu tuni zingkaa Sml 1:30 hrawng ah Tha Kuang (တ‌ေကာင်း)lei an kal lio ah, mizapi ralkap hna nih bomb an puah hnawh hna i ralhrang 8 nak tlawmlo an thi i hliam tuar mi an tam tiah kan theih.Sagaing(စစ်ကိုင်း) ramthen, Myiang(မြောင်) peng mipi vengtu ralkap hna le CDSOM phu 10 i bawm in November 2 zanlei Sml 2:30 hrawngah Myiang peng Bo Myat Thar(ဘိုးမြတ်သာ) khua lawnh ah ralhrang mawtaw a bu in ara mi hna le palek mawtaw hna cu bomb an puah hnawh hna i mawtaw cung ah a citmi ralhrang hna cu lam hlatpi in an ruak an i chek kan hmuh hna i 15 renglo an thi  tiah mizapi ralkap hna nih an chim. Credit: Khit Thit Media

 

 

Author: Main Editor

Leave a Reply

Your email address will not be published. Required fields are marked *