PDF Pawl Nih Palek Sakhan An Luh Hnawh Hriam Nam An Chuh Hna

Sagaing Ramthen ah Tlanglawng riantuan palek sakhan pakhat PDF nih an luhhnawh, hriamnaam pawl an laak, November 13, zaanlei ah Sagaing Ramthen, Katha Pengkomh, Inndaw Peng, Nabar khua um Tlanglawng riantuan palek pawl sakhaan pakhat cu PDF-Inndaw nih an luhhnawh i hriamnaam cheukhat an laakpiak hna. Meithal, zenkuan, khuanbawm (thir thingkuang) le computer tibantuk an lakpiak hna i anmah Palek tu cu kan that manh hna lo, tiah Inndaw PDF nih an thanh.

Pale Peng hmun 2 kahdohnak ah Kawl ralkap 51 an thi, Sagaing Ramthen, Pale Peng hmun 2 kahdohnak ah PDF nih Kawl ralkap 51 an thi, tiah PDF nih an thanh. Kalay-Gangaw lei in a rak kai mi Kawl ralkap 50 hrawng cu Bo Nagar hruai mi PDF-Pale le Maung Wai hruai mi phu nih bomb in siseh, meithal in siseh, an rak kah hna i a tlawmbik minung 30 hrawng an thi, tiah an thanh.Cun, nihin thiamthiam Khinaye-Pale lamcung Kyaukphyu pawng ah Kawl ralkap 80 tluk cu PRA le PDF-Headquarters phu nih an rak kah hna i minung 21 an thah hna pin ah hliamh mi an tam, tiah PRA nih an thanh.

Phakan myone Nansing khuapawng ah aum miralhrang sakhan pakhat tu November 13, 2021 zanlei sangah KIA nih an valuh hnawh I an khah hna tiah theih asi. Atu I KIA nih an va kah mi sakhan hi hlan deuhah an mah KIA sakhan thing asi tiah sakhan hmunhma kiangkap I a um mi minlanghter aduh lo mi pakhat nih The 74 Media sinah achim.

KIA nih an kaltak cang mi sakhan ah hin ralhrang pawl nih hmunhma an lak I, cu hmun cu KIA le PDF nih an va luh hnawh i an va ting t ting than hi asi tiah theih asi. Kahdoh nak hiĀ  afak khorih tiah an chim. Nansing khuapawng i ralhrang sakhan ah hin ralhrang hi minung 70 hrawng an um nak sakhan asi tiah khuami sin in theih asi.

KIA le PDF nih hin ralhrang sakhan hi an lak tiah khuami nih cun an chim ko nainĀ  The 74 Media nih cun kan dothlat cuahmah lio asi. Cun atu tan kahdoh nak hin hriamngan thawngpang zong kan theih len tiah khuami nih cun an chim. An I kah hi zanlei suimilam 4 le cheu hrawng in aathawk i zanlei suimilam 6 tiang an i kap, cun khua pawl cu an hrawk mi aum lo khuami sin in theih asi.

November 11 lio zong khan KIA le phudang bawm in ralhrang he kahdoh nak achuak I, ralhrang tilawng aacit mi in minung 3 le tilawng mawng tu pakhat hriamngan in an khen hna i an thi tiah theih asi. Atu ah cun KIA hi an mah lawng si ti lo in PDF pawl he an tan tti nak hmun atam cang, ralhrang hna hi hmun kakip ah nifatin ti awk in an nawn cuahmah cang ko hna.

Author: Main Editor

Leave a Reply

Your email address will not be published. Required fields are marked *