Phyu Phyu Htwe Nih Kinmah Bawmhnak Pek Mi Live Thlah Mikong Ah Khuami Buainak An Tong Ti mi Kong ah Amah nih Achim Ve Cang

 Myanmar ram buainak kong he pehtlai in bia angei ngai mi Phyu Phyu Htwe cu Samsung company Myanmar nih an mah he rian tuan tti ti lo dingin June 22 ah mipi theihternak an ngei. Samsung company hlan ahhin company tampi nih hin Phyu Phyu Htwe he rian an tuan tti ti lonak cu an rak thanh ve.

Myanmar ram buai nak ah hin Myanmar mipi a tam u nih milar pawl cu an tuah khawh nak lam kip cio in cawlcang dingin an rak ti cio hna. Cun mithang milar pawl acawlcang lo mi cu Social punishment tuah ding in tan an lak. Hi bantuk  ruangah minthang milar tampi cu an min a achia i, mipi ado tu zong an um ve.

Phyu Phyu Htwe cu capo lemcangthiam le laam thiam in Myanmar ram chungah a lar ngai mi a si. Ram buai hlan ahcun Myanmar mithang hna lakah sponsor ngei tambik le tangka luh atha bik le arak si. Ralkap nih rampi nawlngeihnak an lak hnu cun duh ning bantuk in a cawlcang kho tilo nain, lamzawh in duhlonak alanghter tu pawl cu bawmhnak pek lei in arak cawlcang ve.Cu pinah kutzung thum tun in duhlohnak cu arak langhter ve, ahnu ah ralkap pawl nih an mah aduhlo tu  minthang  pawl  cu an tlaih lengmang hna tikah Phyu Phyu Htwe zong a himnak ding ah social media lei cu can sau non chung ara a lang ti lo. June thla thok khan social media leiah a ra lang than i chim fian nak a phunphun in arak ngei.

June 21 ahkhan Myanmar ralhrang nih an kangh mi Kinma khua ah cu ava kal i bawmhnak ava pek hna. Kinma khua bawmhnak a pek lio hna cu video a live athlah. Cu ruangah cun mipi lakah buainak a achuak i,

Phyu Phyu Htwe nih Kinma khua bawmhnak a pekmi video a thlah ruangah ralhrang pawl nih cun Kinma khua cu an cawngh tahn i duh ning in bawmhnak pek le kal khawh a si ti lo tiah mi cheukhat nih an ti. Hi bantuk in an ti mi cu keimah a ka duh lo i akadoh tu nih an phuahchawm sawh mi a si tiah Phyu Phyu Htwe nih cun a chim ve.Asi nain, a cawlcang ning cu mipi thinlung a la  taktak kho lo i bawmhnak a pekmi hna hi live thlah le video thlak cu aherh nak aum lio tiah ati tu zong an um ve.

Bawmhnak ape tu hi an um ve len ko nai, video le live cu an thlah lo tiah an ti. Curuangah amah sponsor petu pawl cu ngolter dingah mipi in an nor chih hna. Cu bantuk  ruangah Samsung Myanmar nih cun Phyu Phyu Htwe cu rian kan tuan tti ti lo tiah an ti nak hi asi.

Samsung Myanmar Hlanah Vigo instant cereal Drink, lolane, Myanmar New V-Rhoto, Blade Dar Lay Comltd, T-home Electronic, Centuri Mattress- USA quality, Bella le Sunday coffe pawl zong nih Phyu  Phyu Htwe he rian an tuan tti ti lo nak kong an rak thanh cang.

Author: Main Editor

Leave a Reply

Your email address will not be published. Required fields are marked *