President Biden A Mualpho Cikcek Cang

President Biden nih Americans mipi hna cu Covid-19 hri runvennak cu chikhatte chung ah ka donghter lai. Donald Trump nih hi zawtnak rai kong hi zeiti tuah a theihlo, runvennak lam a kawl kho ti lo caah hitluk in ramchung mipi kan thihnak asi.

Keimah nih cun hi zawtnak pulrai hi chikhat ah a donghter lai tiah mipi sinah biakamnak a tuah hna. Biden cu atling taktak I, a tu hi a chimning tein a tuah kho maw timi kongah Donald Trump nih hitihin mipi sinah bia achim. Biden nih Covid rai kongah mipi nih a nawlchuahmi an al/doh cang. Cu cu zeiruang ah dah asi ti ahcun, Biden cu mipi nih an zum kho ti lo caah asi.

Donald Trump nih Sunday Morning futures ah achimmi cu, Biden nih covid kongah khuaruahhar in a thami rian cu a tuan, a dik maw? Atu cu atuanmi hi zoh ulaw, atuah tuanmi hi tihnung taksapur pei asi cang ne hi. Zoh uh, zeidah a cang, nihin New York state covid news case kan zoh ah cun zawtnak thar neimi an karh ning hi. Minung tampi nih vaccine an lak duhlonak zong hi Biden an zum ti lo caah asi.

Cun, Biden nih hin nihin tiangah White House Conronavirus Task Force hruaitu lutlai Dr.Fauci hi a si caa ngamlo ruangah asi. Keimah nih cu Dr.Fauci ruahnak cheuhmi cu ka rak al peng, ka rak ngai duh lo. Zeicatiah, Fauci bia kan ngaih ahcun China caah lam a on piak peng, China caah  lam asial piak peng. Cu cu katheih caah kei nih cun ka phih lengmang nak asi. Cu cu Fauci dirhmun asi.

Cun, ka chim pengmi cu, China nih Coronavirus hmang in vawleicung a hrawh I, Biden administration tu nih cun kan US rampi economy/sipuazi a thah dih. A ngaingai ti ahcun, kanmah US ram lawng asi lo,   vawleicung sipuazi/chawlehthalnak a a hrawh dih asi tiah Trump nih a chim. Keimah Donald Trump nih cun, kan ram hi tha tein himnak pek I thanchoter hi ka tuanmi asi. US rampi a thanchotertu bik zong ka si fawn tiah a chimchap.NM

Author: admin