Pu Biak Ceu cu Meithal in An Kah, Hmunril ah Anunnak Aliam

Pu Biak Ceu Meithal Kahnak In A Nunnak A Liam. Nihin December 17.2021 ah, Hakha peng Hranhring khuami Pu Biak Ceu cu Hranhring le Tiphul lampial, Hniarlawn thar lonh ah meithah kahnak in a nunnak aliam tiah kan theih.
Khuami pakhat nih ” zaanlei pafa hmelphalh hrawng ah asi lai, an nu he Hakha in khualei ah tlun an i thawh ah Tiphul lam pial ah an kah hna hi asi, Pu Biak Ceu cu hmunri ah a nunnak a liam colh, zaan suimilam 9:10 PM hrawngah aruak khua aphan, akap tu hna hi mi zei dah an si afiang colh ko lai tiah ” The Federal Times ah achim.

Theihtlei- BENGALI IN ROHINGYA TIAH AUH AN SINAK A RUANG – Bengali in Rohingya tiah auh an si thainak a ruang bik cu Daw Khin Kyi (General Aung San nupi, {Daw Aung San Su Kyi a nu}) ruangah a si ti a si. Hi ca hi ṭial ah a ṭha hnga maw tiah caan saupi ka ruat tawn. Minung cu nikhat khat ah a thi ding lawngte kan si hna. Keimah zong nikhat khat cu ka thi te lai, cucaah cun ka theihmi thil sining kong, tuanbia kha ka ṭial lo ahcun nikhat khat cu a tlau thai ve te ko hnga. Cucaah cun zei a va si hmanh ah tiin le zeipaoh cang ai kun kaw tiin a tawinak in ka vun ṭial. A tawinak in ka ti, nain a sau bak a tawi kho hrimhrim lo. Daw Khin Kyi cu 06.09.1942 ah General Aung San he an i um. Pasal a ngeih in a rian, sii sayama (Nurse) in a chuak i innchungkhar rian tu a ṭuan.

19.07.1947 ah a pasal General Aung San le a hawile an thih hnu in a pasal nih a chiah tami rian, hmaban cu amah nih pehzulh dingin aa hmaithlak colh i a zei lei paoh ah amah Daw Khin Kyi nih a lu bik a tlaih dih. A ṭuanmi ṭial dih ahcun a tam tuk, hi vial in siseh. Kum 1958 ah Phah Sah Pah Lah (ဖဆပလ) cu cheu hnih ah aa cheu i Daw Khin Kyi cu ramkomh party timi Union party ah a lut i thimnak aa cuh ve nain a tla, teinak a hmu lo. Hi lio caan ah hin U Nu a lar cingling lio cu si kaw cheu khat nunau pawl lebang cu U Nu a kal nakding lam cungah an sam hmanh phahpiak i kalter an rak duh. Cu tluk cun U Nu a duhtu le a uartu an rak tam. U Nu cu amah party nih teinak an hmuh nakhnga Daw Khin Kyi he an i fon, an ṭangṭi i hmunkip ah lunglaknak an tuah. Rakhine ram ah an kal i Rakhine party an tei hna lo ding kha an hngalh ruangah teinak an hmuh khawh nakhnga lam an kawl colh. Rakhine ram i an um lio ah cun Daw Khin Kyi nih U Nu cu ruahnak a cheuh, a pek.

Cu ruahnak a pekmi cu hihi a si : “Rakhine ram Buthitaung ah a thlithup in a lut i phungning lo a ummi Bengali kala pawl hi chikkhatte um chungnak catlap, White Card kan pek hna lai i, kanmah phah sah pah lah party ah vo nan kan pek lai. Teinak kan hmuh ahcun phung ning lo a lutmi Bengali pawl hi Rohingya min in Myanmar ram tlangcung miphun pakhat ah cohlan nan si lai tiah kan ti hna lai,” tiah Daw Khin Kyi nih U Nu cu ruahnak a pek. Cuticun Rakhine ram Buthitaung ah phungning lo um Bengali kala pawl cu U Nu nih Rohingya min in white card a tuahpiak hna i vote (Mee) thlaknak nawl a pek chih colh hna. Rakhine ram thimnak ah Bengali kala vialte nih U Nu te party ah vote an thlak ciammam i teinak an hmuh. Phah sah pah lah nih teinak an hmuh rualrual in Bengali kala pawl nih an biakam bantuk cun Rohingya miphun tiah auh thai ding le Rohingya timi min cu vawlei pi theih dingin tuah ding tiah an hal i U Nu te nih an biakam bantukin an tuahpiak hna.

Cu ni thawk cun Bengali kala pawl cu Rohingya tiah nihin ni tiangin auh an si thai i vawlei pi zong nih Rohingya Myanmar ram mi tiah theih kawh auh a hung si thai. U Nu cu thimnak a dih hnuah soiselnak zong tampi a rak tong. U Nu hruaimi cozah nih Daw Khin Kyi cu 19.05.1960 ah India cozah he pehtlaihnak lei palai rianṭuantu dingah an thim. Daw Khin Kyi cu India ah palai rian va ṭuan dingin lawm ngai in a va kal, nain U Nu tu cu Bengali kong ah lung buai luri in a um. Bengali pawl nih Rohingya tiah Myanmar ram tlangcung mi, miphun pakhat i cohlan komi cu an i lungsak rih lo caah U Nu cu Rohingya min in radio in biachim khawhnak dingah radio program ah telh ve dingin an hal ṭhan. Hi lio ah hin Myanmar ram ah ramdang holh in radio program cu miraang (British) holh le India Hindu holh tiin pahnih lawng a rak um. 1961 ah Myanmar radio program an tuah i Kawl holh le Karen holh lawngin a rak um rih fawn. Bengali pawl nih Myanmar radio program ah telh ve dingin an hal colh.

Hi kong an hal tik tu ah cun U Nu cu ramkhel leiah mifim thiam a si bantukin a thluak in a ṭhuat hna i ramdang holh in chimnak ramdang mi radio program (British, Hindu, Rohingya) ah a telh chih hna. Hihi ramkhel lei rianṭuantu cheu khat nih cun an rak hngalh ziar ko nain Bengali pawl tu nih cun an rak hngal lo. Khah! Kan zoh hmanh lai, Bengali pawl cu Myanmar ramchung ah a ummi ramdang holh in chimnak ramdang mi radio program ah an um, telh chih an si i zei miphun dah an si ti cu a fiang bak ko lo maw? Atu tiangin ramdang holh in chimnak ramdang mi radio program ah an um ko rih cuh.

Ramdang mi an si ko lo maw? Ahohmanh nih ramdang mi an si lo tiah al awk a ṭha lo, ramdang mi bak an si ko cuh. U Nu nih Bengali pawl cu an i hngalh lo karah ngaihthlem in an biangki ah a rak bengh hna. Asinain India ram ah palai rian ṭuan dingin nuam chialmal in a rak kalmi Daw Khin Kyi nih a kal laiah Rakhine ram ah phungning lo um Bengali miphun pawl cu Rohingya tiah a kau tami mei, Rohingya white card meici cu nihin ah cun Rohingya, Myanmar ram mi tiah vawlei pi nih an theih lawng hmanh si ti loin ruahnak ṭha lo thlaici U Nu ka pek i ka kau tami white card Rohingya mei nih Myanmar rampi cu atu tiangin a kangh cuahmah ruangah an buaipi ko rih hna e timi thawng hi Daw Khin Kyi nih khin atu ah vun thei ṭhan seh law cu zeitindek a hei ruah ve hnga mu. Salai K. Biak Lian Thawng- Norway

Author: admin