Ralhrang Motor Bomb An Puah Ralhrang 3 An Thi Mipi Veng Tu Pakhat Athi ve

Ayeyarwaddy ramthen Kangyidaung myone Ka Nyain Ngio khua I Motor dinh nak hmun ah ralkap Motor a um mi hna cu October 24, zan Sml. 6 hrawngah Pathein peng I mipi kilveng tu PSTF hna nih bomb an puah hanwh i, a hmunah ralhrang ralkap 3 an thi I minung pa 2 nih hliam hma an tuar tiah theih asi.

Bomb a puah hnuah ralhrang ralkap athi lo mi pawl nihcun mipi vengtu lei cu meithal in an kah len  ve hna i, mipi vengtu lei in minung pakhat cu an khen ve i, motor bike cungin atla. Bike cung in atla mi pa te cu ralhrang ralkap lei ninh an tlaih i thi lak in an kahve.

Hi kahdoh nak chung i aum ve mi pakhat nih achim ning ah cun “Bomb puah bak hin ralhrang ralkap motor hi a rawk dih ngawt . cun ahnu bik I kan theih khawh tiang ah cun ralhrang  lei 3 hi cu an thi hrim hrim, cun hliam tuar 2 an um i Ralhrang lei nih fak tuk in an kan kah ve ruangah kan mah mipi vengtu lein pakhat an khen ve I anun nak aliam. Ralhrang ralkap pawl nih hin an lak I athi mi le hliam tuar pawl cu hmundang ah an phur kal pi colh hna i, an pawngkam zong an zoh ta len, tiah a ti.

Ralhrang ralkap lei nih an kah thatmi mipi vengtu Maung Kyaw cu Pathein hmunram chung mipi kilveng tu phu nih an sian lo tuk nak le a chung khat lei nih  an tuar fah nak cu ca an chuah i, mipi Kilven in ralhrang ralkap donak ah a nunnak a pek mi cung ah upatnak an pek.

Author: Main Editor

Leave a Reply

Your email address will not be published. Required fields are marked *