Ralhrang Nih An Kah Mipa Achung In Lai Meithal Kuan Pa 8 Bak An Chuah Khuami An Lunghring

Tamu district Zalenphai khua i mino 6 ralhrang hna nih aruang umlo in an tlaih I an kah mi hna lak I pakhat cu kuannih aken nak apaw cu an khuai I achung ah lai meithal i hmanmi kuan pa 8 hmunh asi tiah theih asi.

July ni 10 zan sml.10 hrawng ah khan Zalenphai khua mi mino 6 hna cu an len nak in an ttin lei ah ralhrang hna nih lam cung ah meithal in an kah hna i ahmun ah minung pa 2 an thi, minung 2 hliam an tuar i an tlaih hna. Sakhan ah an kal pi hna, antlaih mi hnalak ah hin minung pa 2 cu an thi than, pakaht pa hi July 12 ah khan arak luat than ve I apaw ah kuan nih ahliam ve mi asi.Hi pa cu ram chung sizung ah an kal pi I X-ray anlak tikah apaw chung ah hmun 8 in apem mi an hmuh. Cu hnu ah India lei ah an luh pi I India siizung ah an kal pi than I India sibawi nih apaw apem mi cu hlai nak an ngei I kuan pawl an hmuh hi asi.

Khuami pakhat nih achim nak ah cun doctor te nih bomb hma asi an ti nain ralhrang nih an kah hnalio ah khan bomb an hmang lo, Lai meithal i hman mi kuan tu asi.Keimah ruahnak ah cun ralhrang he aa bawm mi pyu saw htee an si lo le, ralhrang tha ape mi attanh mi nih Lai meithal hi an hman bia si tiah ka ruah tiah achim ve. Khua mi chung in hin ralhrang lei atang mi an um heim ko tiah khuami nih cun an lung hrinh.

Author: Main Editor

Leave a Reply

Your email address will not be published. Required fields are marked *