Ralhrang Nih Kawlram UN palai U Kyaw Moe Tun Inn An Chuh

 Yangon khua, Thlang Okkalapah peng, Inn-wah lam cung ah a ummi Kawlram UN palai U Kyaw Moe Tun hringtu nu le pa umnak inn cu tapung ralhrang pawl nih mizaan November 10 ah an ting/warrant an benh tiah theih a si. Mizaan November 10 ni ah ralhrang minung tampi nih inn an va ting/warrant an va benh ih inn chung ah lut in thilri zong an kawl ih an check tiah anun him nak caah min langhter duhlotu mi pakhat nih a chim.

Ka theih khawh tawk ah mah inn hi mi lut chuak an tlawm rengreng. Minung zong tam an umlo. Ralhrang pawl an ra i inn an rak ting lio zong ah minung ahohmanh inn chungah an umlo. A rami ralhrang le palek cu an tam taktak tiah min langhter duhlotu mi pakhat nihcun a chim.Inn an tingnak ca (warrant ca) cu U Kyaw Moe Tun taza an cuainak Phung Lutlo Phu Upadi, caang 17(1) ning in biaceih zung ah chuah dingin le thilri dihlak ting dingin Naypidaw, Zabungthirih peng biaceihtu Maung Maung Lwin nih October 29 ni ah a chuahmi warrant ca a si. Kawlram chungah NUG, CRPH le PDF pawl he pehtlaihnak an ngei tiin tapung ralhrang nih an tingmi inn (70) dengmang a um cang.

Chinram caah do kan thleng kan ti nain a donghnak ahcun pengtlang dothleng ah kan kal pah ngai in a lang. Kan dohmi aa khat kan ti nain command pakhat tang umlo hrat cun duh ning le ruahnak,kalpi ding a tam u ai dang dih caah mah cu kan dernak phunkhat ah ahun si tawn.Kawl ralhrang an thawnnak bik cu command pakhat tangah an um mi khi an thawnnak hrampi pakhat si. Kum 70 leng tlangcung mi nih kawl ralkap kan do nain hlawhtling hmutu cu Wah miphun lawng an sirih, aruang cu tlangcung mi nih kan dohmi ral ai khat ko nain command pakhat tang umlo kan si caah anmah le state myone pakhat hmanh a la le uk kho lo in kum 70 do kan thlennak nih tulio Chin miphun kan dothlennak he pehtlai in tahchun awk aa tlakmi asi ko.

Khua le pengtlang tiang in hriam kan tlai, ralhrang kan do cio kan ti, kanmah le khua le pengtlang cio vennak ding caah kan dir e tiah kan ti. Nihin tiangah peng kilven chimlo khuakhat hmanh a veng kho lo kan tampi caah Chin hriamtlai, a bik in Hakha Thantlang pengchung vialte tal cu hruaitu,phu pakhat tangah umti dih kho usilaw lohma a kal ngai lai.Cun, tangka kha aa fun lai i kan cak fawn lai. Ramleng um family pakhat nih $1000 kha kan hriamnam tlaitu sinah hlut/pek aduh i an chungkhar meeting an thu hna tikah tihin bia an chah,an khua cdf caah$500,an peng cdf caah 300,CNA/F caah 200 an pek, ahuaha lo tukmi eidin deuh ko ah kan tangka a kal tuk.Raltu taktak sinah tlawmcem a lut tikah a caan ahcun zawng parathlei ko hna tahchunh awk deng khin kan um.

Kum 70 hriamnam ai khonmi ralhrang hi oltarawk le fawite tei dingah ruah loding asi.I fun i komh dih hau,tuhlan ah uktu le lutlai si na duhnak zong kal tak hau,tangka tlai le na kutah tangka umter na rak duhnak zong kaltak hau,a ruang cu kan ralpa sining tu kan ifian le ifuntom a herh tikha no 1 ah na chiah bak hau.Tucu IT chan si tikah thil hi thuhnawh le tlauter meimei khawh siti lo, mipi nih an theihnak dingah a tuan maw tlai ti lawng kha si. Cucaah online i phozar le tial thiam,chimtiam men kha zapi nih an zumthlu ti lo,practice kha mipi nih cuanh le zohmi si ko. Cabia laknak; Chinland 7 Post

Author: Main Editor

Leave a Reply

Your email address will not be published. Required fields are marked *