Ralhrang nih UKnak Anlak Hnu In Chinram Chung An Tlaih Mi 450 Leng An Si

February 1 Uknak lak an timh hnu in chimram chungah minung an tlaih mi hna hi 450 leng an si I athi mi hna hi 47 an si  tiah Chin Human Right organization nih cun an langh ter.

Hi tlaih mi hna chung hin 253 hi a luat than mi an si i, 288 hi Hakha Khualipi ah tlaih atong mi an si I hi chungah hin 172 hi an luat than cang tiah theih asi. Hi bantuk in an tlaih mi hna hi aruang zeihmanh um lo in an tlaih hna I biaceih zung ah Sihni biaceih tu hna hmai ah chuahpi in bia ceih nak nawl zong ralhrang hna nih hin an pe hna lo.

Inn chung ah an luh hnawh hna i bia halding kan in ngei hna an ti hna I antlaih hna, lam ton ah an dirter hna i an phone ancheck hna I an rem lomi thil an phone chungah an hmuh ah cun an tlaih hna, an tlaih mi hna minung hi saram bantuk in an biakchawnh, an tuah hna tiah CHRO Program Director Salai Van Biak Thang nih cun achim.Cu an tlai mi hna hi aruang bik hi, duhlonak langhter nak, tanpung tum ruang, CDF he nan I pehtlai, CDM ah nan I tel,… tibantuk ruang le phone check in aruang theih lo in tlaih mi pawl an si hna. An tlaih mi hna chung ah hin faktuk in kut an thlak mi hna le an hrem mi hna an um i kan dothlat cuahmah lio asi, cun an tlaih mi hna ah hin minung 2 an thi tiah achim chap.

Chin ram khuakip an kal nak ah Inn  an bauh i thilri an fir, an chung thilri an hrawh,Biakin ah an lut I Cheu hra cheuh khat an fir, Cun Mindat lei hna ah cun Mipi thilri anfir mi kha man fawi tein hmundang ah an zuar,

chim duh mi cun mipi thilri an chuhhna pinah chawleh nak caah anhman chim, hi pawl hi lung afak tuk tiah salai Van Biak Thang nih cun ati.Chinram chung ah Ralhrang Uknak lak hnu in mipi le minung 47 an thi I atam deuh hi meithal kah in athi mi an si. Hi pawl cu Chimram chung I acang mi asi I, kawlram chung pumpi ah Chin mi tlaih mi dihlak cu 515 an si i, 275 hi an luat than I minung 76 hi an nunnak aliam tiah Chin Human Right Organization nih an khawmhsuat mi ning in theih asi. Source; Khonunthung Burmese

Author: Main Editor

Leave a Reply

Your email address will not be published. Required fields are marked *