Ralkap lei a thi mi an tam bak ko. NUG nih thawngthanhnak a tuah mi

Thawngpang Tha! Leh Thawngpang Chia! July thla thlakhat chung lawngah ralhrang lei minung 750 hrawnghrang an thi, tiin NUG nih thawngthanh! Ralhrang lei minung 743 an thi i 369 nih hliam an tuar.

Mipi leikap in minung 199 kan thi i minung 47 nih hliam an tuar. Yangon ram then chungah hin bomb buahnak hi a tam bik a si i voi(18) hrawng a puak. Sagaing ram then ahcun ralhrangpawl tukdohnak hi a tam bik voi (36) hrawnghrang a si. Source: DVB TV News

U Kyaw Moe Tun Thah Timhnak Kongah Ralhrang Lei Nih Lehnak An Tuah cang: Myanmar-UN (NUG) palai a simi U Kyaw Moe Tun thah timhnak kongah ralhrangbu ramleng vuanci zung nih August 9, zaan 8:00 pm ah MRTV in lehnak an tuah. Lehnak an tuahmi cu “Hi kong hi US ramchung thil a si caah an ram phunglam ningin tein biakhiahnak le dantatnak an tuah ding a si ko. Myanmar he zeihmanh pehtlaihnak a ngei lo” tiin a ti

Hihi U Kyaw Moe Tun thah timhnak kongah ralhrang lei nih lehnak an tuah mi a voikhatnak a si. Mi tampi nih cun hi kongah a thli in ralhrang an i tel hrimhrim lai tiah an zumh. Cu ruangah atu abantuk “kanmah he pehtlainak a ngei lo” tiah an thanhnak hi a si tiin thawng an thanh..Cu lawng si loin U Kyaw Moe Tun cu UN ah Myanmar palai sinak in phuah a si cang nak kong a chim.

U Kyaw Moe Tun thah timhnak hi vawleicung hmunkip ah a ummi Myanmar ralhrangbu a dohtu hna thihphaihnak le hrocernak pakhat a si i US Cozah cu U Kyaw Moe Tun lei ah kan dir ko tiah UN ah US palai a simi Linda Thomas-Greenfield nih a thanh cang.

U Kyaw Moe Tun thah a timtu Myanmar mi pahnih Phyo Hein Htut le Ye Hein Zaw cu tlaih an si cang. Zeitikah dah an bia ceih a si lai ti cu cozah nawlngei hna nih thanhnak an ngei rih lo.

Author: admin

Leave a Reply

Your email address will not be published. Required fields are marked *