RC Tlangbawi nih PDF cu Hriamnam Chia Dih U Ati Hna

Roman Catholic Cardinal Charles Maung Bo nih Min Aung Hlaing le a ralkap hna cu hitihin a ti hna, Tatmadaw nih sualnak ngeilo mipi heh tiah bomb in nan kah mi hna le minung umnak inn, Khrihfa biakinn, fimcawnnak sianginn le clinic tibantuk nan hrawh lengmang mi hi ngol cang u law hriamtlai phu he Democracy a chuah khawhnak hnga chonbiaknak ngei u.

Cun, hriamtlai phu asi mi PDF nih nan hriamnam chia u, zeitintiah hriamnam nih daihnak achuahpi kho lai lo. Hriamtlaih ruangah mipi thihnak tam deuh deuh a chuahpi I, mipi tihal rawltam in a vakvaimi an tam chin chin, cun fale fim cawnnak, rampi chawlehthalnak le ngandamnak lei tiang a hnursuang. Cu caah PDF vialte nih nan hriamnam chia u tiah a ti.

Cardinal Maung So nih cu Dec 24, ah ralhrang nih Moso ah nu le ngakchia tampi telh in an nung buin ralhrang nih motor chungah an khanghmi kong zong achim chih. Hibantuk hi barbaric cawlcangh asi tiah a chim. Cardinal Maung So nih nai te ah Min Aung Hlaing le ralbawi tampi cu Christmas eve ah a sawm hna. MAH zong nih RC khrihfabu cawlcanghnak ah US$11000 bak a hlut hna.

 

A fawinak in chim ahcun Cardinal cawlcangh hi nihin ramchung mipi dothlennak he aa kalh. MAH he tonnak a tuahmi zong hi Myanmar Roman Catholics nih kan cohlang lo, kan theihpimi asi lo tiah cathanh an chuah. Maung So hi Min Aung Hlaing he hawikom si dawh in a lang cang.

Author: admin