Russia Nih Myanmar Mipi Kan Dirpi Anti Ve Cang Hih

Russia PM Mikhail Mishustin nih Myanmar ram buainak kokng ah Russia zong ASEAN meeting i hnatlaknak an ngeihmi 5 cu kan I hrawm pi ve nak kong cu achim.

Cun ram Buainak i ASEAN nih ramchung  ah daihnak um dingin an ti mi pawl cu kan si khawh chung in kan zuampi cuahmah ve ko hna tiah achim chap.ASEAN meeting ah hin ram 10 nih Myanmar ram buainak kong ah asi khawhtawk bawmh dingah biatung 5 kalpi dingin an rak tuah i Min Aung Hlaing zong nih alung arak tling tling ve.

Asi nain, a tu tiang ah cun ASEAN meeting i an biatung pawl cu an tuahmi taktak hmuh a si rih lo ih ,voikhat te ASEAN hruaitu pawl Myanmar ah rakrat in ralkap cozah an he an i tong. Cupin adang an tuah mi theih asi rih lo.ASEAN meeting in an biatung 5 pawl cu Lamzawh in duhloak alang ter tu mipi cung ah hriamnam hmangin then ti lo ding, cun ASEAN hruaitu pawl Myanmar ah thlah ding , palai thar ruat ding, Mipi duhning in remnak tuah ding, chawnh biak aherh mi pawl vialte ton dihding timi le thim nak um tuahthan dingin nor ding timi pawl a tel.

 

Hi biatung pawl cu Russia zong nih kan i hrawmpi ko.  Hi pawl vialte cu rannak bik in atak in acan khawh nak dingah kan si khawh tawk in kan zuampi cuahmah ve ko hna tiah Russia PM Mikhail Mishustin nih July 6 ah achim.Hi bantuk in Russia nih an ti ko bu ah Myanmar ralhrang pawl cu an dirpi peng kohna i, raltuknak hriam leah siseh raldo cawnnak lei kam ah le covid 19 khamnak sii kongkau tiangin pehtlaih nak an ngei peng ko hna.

 

Author: Main Editor

Leave a Reply

Your email address will not be published. Required fields are marked *