Samari mitha, Hakha ah kan ngei tha. A sunglawi tuk hrinhrang ko

Alak/manlo tein Soup i cah khawh a si. Dawtnak Cabuai (August thla chung ca) Hakha khuasa COVID-19 zawtnak a tuar mi hna, sii-inn na um ah siseh, inn na um ah siseh thazaang umnak Soup (Sahaang) in HBDO(Hakha) nih “dawtnak cabuai serh” kan in duh hna. Thazaang umnak caah Soup haang i cawk kho

ding in phaisa thazaang a ngei lo mi hna caah, August thla (2021 August) chung hi man loin kan in chanh hna lai.

HBDO(HK) lei in ralrin ding: Soup kan in chanh mi hna kong kha aho sin hmanh ah kan chim lai lo. awl Cohlangtu lei in ralrin ding :

Keimah sin ah lawmhnak bia chim lo ding (Aruang cu keimah phaisa a si lo. Pathian mifa – Laifa dawt hna nih an ka hlut mi in ka tuah mi a si caah).Nan or nih a hlam mi ti le rawl te kha nan duh mi poh (Nan duh mi poh) ka phone ah lungsau tein nan ka fianh lai. Nga Soup, Ar Soup, Cawsa Soup hi thazaang caah a tha bik men hnga.

Soup le rawl kan in chanh hna ruang ah nan i lawmhnaknak in, kanmah te hi rawldangh khawhnak caan sung nan kan serpiak miruang tu ah kan i lawmhnak a ngan deuh.

Jesuh Khrih ah nan riantuan hawi, Pa Hu (Lian Lian Pa) 09 400 30 5298/ 09 400 90 5298. Cre-THP

TC-19ERC le Siibawite nih Thantlang Peng Ruakhua COVID-19 mizaw a laang in an va zoh hna. Nihin 5. 8. 2021 Ruakhua Kalnak.

Thantlang peng Khuate ah Covid-19 zawtnak in a thi hmasa mi khua Ruakhua ah Thantlang Covid-19 Emergency Response Committee minung 3 le Doctor Dawt Hlei Zing le Nurse pakhat tiin motor 2 in a laang in kan va kal kho. Ruakhua ah suimilaam 3 chung ah kan cawlcanghnak.

1. Covid-19 in a zaw mi hna thazaang peknak le forhfialnak bia, umtu thutdir ning midang he i pehtlaih ning kan Doctor nih biacahnak a ngeih hna.

2. Covid-19 in a zaw mi hna kha kan Doctor nih zawtnak check hlatnak a ngeih hna hnu ah Sii-ai pawl peknak a ngeih hna. 3. Ruakhua mizaw zohkhenhtu Volunteers pawl cawnpiaknak le a herh mi bia siaherh i cahnak, iralrin thiamnak, thazaang i peknak a ngeih hna.

4. Thantlang Covid -19 Emergency Response Committee nih kan tikhawhtawk mizaw ca sii-ai le Covid-19 runvennak thilri tlawmpal peknak kan ngei kho.

Ruakhua hi , 5.8.2021 ni tiang ah Covid-19 zawtnak hmuh mi minung 23 an si. Nu 14, Pa 9 an si . Pa Pakhat nih Covid-19 in a nunmak a liam. A dang a zawlio mi hna hi an dihlak an thawng tuk hna. an dam ngai cang. An dih llak an damcolh lai tiah ruahchannak nganpi kan ngei ko. Crd Pu Ram Khar

Author: admin

Leave a Reply

Your email address will not be published. Required fields are marked *