Thantlang AG kan Biakinn Aciam Dih Ko Cang E

Thantlang Ah AG Biakinn Telh In Inn 55 Tluk A Kaang Than. Nihin December 30 zinglei suimilam 10:00 hrawng ah ralhrang nih Thantlang khua inn an khangh than, A tu thawng kan tial tiang ah inn 55 tluk a kaang cang. A langtlang in mithmutu pakhat nih AG biakinn zong a kaang chih cang tiin The Chin Post ah a chim.

Lungrawk In Na Um Sual Maw? Hi Ca Hi Rel- Nifatin na nun nakding ca le na khuasak nakding ca na ruah ah lungrethei le lungrawk in na um sual maw? A tanglei i ka țialmi ca te hi rak rel law thazaang rak la ve. Atu lio cu ral le rai karah um lio caan a si. Cucaah ralzam dirhmun in hmun kip na zaamnak ah tangka na ngeih lo ruang le harsa tein na nunnak caan na hman ko hmanh ah ngandam tein na um rihmi ruangah khan i lawm law nuam tein um khawh i zuam ko. Zawtfah dam lo in le thil pakhat khat ruangah na cungah fahnak a tlun i na intuar ko hmanh zongah nunnak na ngeih rihmi cungah khan i lawm ko.

Atu lio ral ruangah thinphang thlalau in sifak harsa rethei ngai in um ko hmanh law ni khatkhat ah cun nun nuam in ka um țhan te ko lai timi lungput le ruahnak he lunglawm tein um ko. Thil na tuahmi ah sunghzatlaknak na ton ko hmanh ah hmailei karhlan nakding caah cawnpiaktu a si tiin ruat law lunglawm tein um khawh i zuam ko.

Te le fa ngei kho loin a ummi nan si zongah kanmah nuva te nuam tein le i daw tein kan um ko lai timi lungput ngei in nuam tein khuasak khawh i zuam ko u. Midang innchungkhar cu inn lo țha țha le mawaw țha țha he an um i, hmun khat ah nuam chialmal in an len thlaimai ți le nuam tein an din an ei ți i nihkheh bu he hman an i thlak len lio nan hmuh hna tikah lung nuam lo le thachia in um hrimhrim hlah u.A ta

ktak ahcun eidin kan timi khi kan ei hlan le kan ei lio lawngah an thaw i ei duhnak lungthin kan ngei hna. Kan khim hnuah cun ei duhnak lungthin hrimhrim ngeih a si ti lo. Midang nih zuu man fakfak le a meh thawthaw an i cah i an din eimi khi hngar len ding an si hlei lo. Zeitluk in a man fakmi an din ah siseh, kannih nih zeitluk in a man dinmi kan din ve ah siseh kan ritning cu aa khat thotho ko. A man fah tuk caah a rit nuam ti a um lo. Dinmi a tlawm tam tu nih a ngeih deuh. Rit hnuah cun aa khat dih ko.

A taktak le a ngaingai kan ti ahcun midang hmuhnak ah khi bantukin a ummi hna zong khi an i nuam tuk lai tiah zapi kan ruahning bantukin an rak si ve hlei lo. An chunglei in cun an innchungkhar kong an ruah ah nun hmanh huam ti lo le mah le mah nunnak hmanh i lak duhnak tiangin lungretheihnak an rak ngei ve ko.

Mikip nih hin harsatnak le lungretheihnak timi hi rak ngeih cio a si dakaw. Hi ca kan rel hnu i kan i fian cang a si ahcun kan nunnak hi nuam tein hman khawh i zuam cio hna u sih. Atu i nuam u sih law i lawm u sih, a zungzal in nuam te le lunglawm tein um khawh i zuam hna u sih. Minung kan nunnak hi a tawi tuk, caan tawi te kan nun chungah nuam te le lunglawm tein kan nunnak caan hman i khawh i zuam cio hna u sih tiin a hrut nih a fim chim tiah forhfialnak he… Salai K. Biak Lian Thawng

Author: admin