Thantlang MP Pu CHAN HAM nih Thau Khua I Thantlang Peng Ralzaam A Veh Hna Lo

Thau Khua Ah Aa Dormi Hna Hmurka Le Thutto Ning. Thau khua ahhin aa dormi hna hi chungkhar 113 an si i, a milu in minung 559 an si. Kum 5 tang ngakchia hi 63 an si i, kum 70 tluk upa hna hi 31 an si, kum upa bik hi kum 90 hrawng an si hna. Hi chung ahhin Pastor 4 an um. Pastor te nih mah le Khrihfa bu cio ningin an vehvaih hna. Thantlang khuanu khuapa aiawh in Pu Lawm Bik, Rev.Dr. Lal Uk, Rev. Calvin, Pastor Sui Lian Kam hna zong nih an veh hna.

Pu Chan Ham cu Thau khua aphan ko nain himnak hmun ah aa dormi hna atong hna lo, pumpak inn ahcun a ton khawh hna men ko hna nain, sianginn kulh chung i a ummi hna cu a tong hna lo. Christmas le Kumthar ah Thau khuami hna nih laksawng an i pek ning cio in Thau khua ah ai dor mi hna, kum upa deuh laksawng an pek hna tiah tuanvo ngeitu nih The Federal Times ah achim.

Tuan deuh inn 80 an um lio ah tangka 25000 cio bawmhnak an pek hna, atu zongah Dal, Aalu, Piat, Cite, Chiti, Arti ti’n funkhat, funhnih ti’n an phawt hna, Arti hi acaan ah pum 4, pum 3 ti’n an phawtzamh hna. Sekenhen zong nan duhmi i thim u ti’n an thim ter hna, Lo tuah ai tim mi zong an um, Saiha khua ah ralkian i a ummi Pastor pakhat nih arak veh hna i thlacam piaknak a kan ngeih tiah ralkian in ai dor ve mi pakhat nih The Federal Times ah achim.

Note- Pu Chan Ham cu Thantlang khuasa asi i, MP aa cuh hlan hrimhrim ah bochanmi pa pakhat arak si. 2020 rampi thimnak ah NLD party in MP aa cuh tikah fawi tein teinak a rak hmumi pa asi. Riantuan awt hlanah ralhrang nih uknak a lak ruangah Mizoram lei ah a zaam ve tiah theih asi. Tutan ah Pu Chan Ham nih Thau khua a phan ko nain, ralzaam (abikin Thantlang khua an tam) hna cu Pu Chan Ham nih Camp ah a kan veh lo tiah aw-an a um hi an mawh  lo.

Kan MP pakhat asimi nih ziah hitluk kan dirhmun le lungretheih kan um lio ah a mui kan hmu lo tiah huat ruangah si loin, uh-ttanhnak asi ko lai. Mipi thinlung azawt tuk lio caan ah upa lungfim bochanmi hna le biaknak lei riantuantu pastors, khrihfa upa te muihmuh le aw-ka theih hi an ngai tuk cio lai ti hi ruah khawh asi. Cu ruang Pu Ram Khar zong nih Thantlang pastors le khrihfa upa hna cu Thantlang khua mipi ralzaam an umnak khua le ram ah va vehvat u tiah TLANG a au nak kha asi lai.

Author: admin