Thawngpang Tha Taktak Canada Ram Nih Tu Kum Chungah Ralzam Ahlannak In Lethnih Tam In Alak Lai

Canada nih a hlan an lak tawn nak a lethnih tam in tukum 2021 ah ralzam kan lak lai tiah Canadian Immigration Minister Marco Mendicino nih June 18 ah a chim.

Marco Mendicino nih June 20 Refugee Day hlan cacawn ninga ni ah “Vulei cung ralzam an tam tuk cang, Canada cozah nih ralzam hna zawnruahnak he 2021 ah a lethnih nak tam kan lak lai.

Canada ramchungah a um cang mi dornak a halmi si hna seh, ramdang ah a um mi ralzam chungkhar si hna seh kan lak hna lai” a ti. Canada nih tuan deuh ah ralzam 23,500 ka lak lai a rak ti cang hnuah a tu cu ralzam 45,000 ka la lai a ti cang.Canada cozah nih ralzam hna laknak le ralzam hna hmunhma thialnak caah budget C$ 3 million ($2.4 million) kan hman lai tiah Mendicino nih a chim. 2020 kum chung ah Canada nih ralzam a lak mi hi vulei cung ah a um mi ralzam cheu hnih ah cheukhat deng a si caah UNHCR nih Canada cozah cu “muinak hmunah a ceu mi meifang a si” tiin a fak. Credit the chin post

Thawngpang dang relchih ding; Ralhrang nih Geneva Convention I min thut an buar peng

Aluan cia June 15 lio ah khan Nanphalwin kahdoh nak ah KIA ralkap pakhat cu ake ah ralhrang nih an khen I lam akal kho lo mi cu SAC ralhrang nih an rak tlaih I an hren. Ake ah an khen  ruangah lam akal kho lo mi cu ralhrang nih an tlaih ti rakpi in anhrem chih i hri in an ttem i akalter.

KIA ralkap An tlaih mi pa hi Kum 19 minung asi i, hi an tlaih mipa kong he petlai in khua nu pa hna nih an va dothlat tikah Nankhine Hlei(bridge) acawng tu ralkap nih an thah cang tiah an rak ti hna. Aruak tal kanpe uh kan ti hna nain aruak zong an kan pe duh lo.

Raltuk phung zulh asi ah cun ralkap hi anung in an tlaih hna asi ah cun phung ning tein tuah ding asi. AA nih ralhrang 23 an tlaih mi hna an thlah than dih hna ti thawng cu kan theih cio.

Tlangcung hriamtlai vialte nih raltuk phung hi an zulh dih asi nain, Kawl ralhrang tu nih cun phung an buar peng tiah min langter aduh lo mi pakhat nih 7stars News ah achim.Geneva Convention ah langhter mi No.3 nakah ralram I pakhat khat ruangah maw asi loah hliamtuar, zawtfah le kulhdih ruangah raltu kho tilo dirhmun in ameithal achia mi ralkap cu hrem, thah, rawlttam ti hal in chiah le ralkham nak ah hman loin, tlaih mi ralkap cu an mah le an rank cio he aatlak ning in zoh khenh ding ti hi asi.

Geneva convention ah minthut nak ah aa tel mi ram vialte nih hi acung I lang ter mi cu an zulh dih awk asi I hi an zulh lo asi ah cun, raltuk phung abuar mi ram an si lai. Myanmar ram zong hi Geneva convention ah min arak thhu ve mi ram an si. Source: 7stars News

Author: Main Editor

Leave a Reply

Your email address will not be published. Required fields are marked *