Thawngtha Bak Si Cang, Ralhrang Uknak Ahram In Phelhding Ah Mipi Vengtu(PDF) Bu 6 An I Foncang

 

Kawlram ralhrang Uknak chiahru ahram in bawmh dingah hmunka kip ah mipi rungveng tu, people defense force (PDF) cu an dirh cio I an mah le si khawh tawk in le an mah hmunhma cio in ralhrang cu aphun phun in an doh hna.

Atu ah cun anmah le hmunhma cio si ti loin PDF phu 6 hna cu hmunkhat ah I fon in kan ttang tti cang lai tiah, an I fon nak kong cu an thanh cang.

Hi aafon mi bu pawl cu, Mandalay special ralkap PDF, Yangon PDF, Sagai PDF, Kyuatse PDF, Sagai PDF le Magway PDF ralkap hna an si. Hi aabawm mi bu ( Alliance) pawl hna hi tha tein kan i pehtlai lai i  Pengkip, ramthen kip ningin mualngei taktak in dothlen nak cu kan kal pi lai an ti.Cu pinah khuapi chung i kahnak asiloah ralhrang  le PDF hna I ton in kah nak aum nak hmun/khua ah cun hmundang I PDF hna nih asi khawhchung in rak i bawm in doh pi dingin meeting ton nak ah an lungtlin nak kong zong an langhter chih.

Cun PDF le ralhrang hna kahnak aum can ah siseh, cun PDF pawl cawlcang nak pawl cu social median cung ah tar piak lo dingin nawlnak zong an tuah rih. Source; Mizzima News In BM

Thawngpang dang relchih…Min Aung Hlaing Cu Russia In  Myanmar Ram Atlun Lai Nak Ni An Thawn Than: Myanmar ralbawi Min Aung Hlaing cu June 26, ah Myanmar rak phan ding in ralkap leinih cun an chim nain , a vanlawng aacit mi  check a si tikah Min Aung HLaing cu June 27, lei tu ah  Myanmar caan zan sml. 11pm hrawngah Myanmar aphan te ding in lang than. June 24 tiang lawng Russia ah caan hmang ding in akal. Cun Min Aung Hlaing cu June 25 ah Myanmar ram rak tlun than colh ding bantukin thawngpang aleng nain, Myanmar ah rak tlun loin Russia ram chung tuah aa helhmun ko.

A vanlawng aa cit mi hi Myanmar International Airlines a si i vanlawng riantuan tu minung 15 nih an zulh. Cun Tuzan i Russia ram Swissokel khuapi Hotel i a riak min cazin an zoh fel tikah ralbawi Thet Aung; Joint pilot Major Aung Nyein Chan; Chief Engineer Major Kyaw Lin le Joint Chief Engineer Major Nyein Chan Aung pawl min an i tel.

Myanmar ram chung in Min Aung Hlaing achuah hnu in amah achangtu ralbawi Soe Win cu vengtu(security) tambik ngei in Yangon khuapi ah achawk vai ngai i Myanmar mipi ruahnak a buai ter ngai.

Ni hin June 26 zongah Min Aung Hlaing Myanmar a phan cang  mawsi ti awk tlak in ralkap motor pawl cu an tam ngai tak nain, Soe Win vengtu pawl an rak si deuh.

Ralkap chungah hin buainak a um bantuk in thawngpang aleeng lengmang nain, cehukhat pawl nihcun mipi an ti hramnak men a sikho tiah an ti ve.

Thaizan ah Min Aung Hlaing Myanmar ram a phan khawh hlei lo asi ahcun ,mipi caah khuaruah ding atam chinchin lai i,a ruah ding zong ah abuai ngai canglai.Asilo ah thaizan June 27 I tlaung tein Myanmar ram a rak phanh khawh asi ah cun anawl ngeih nak tha tein a kilven khawhri timi cu fiantertu pakhat a si ve lai. #credit

Author: Main Editor

Leave a Reply

Your email address will not be published. Required fields are marked *