Trump he an nih chonnak a phuan, ruahchannak tampi a um

Atu US mipi nih an her ngai mi cu US President, foreign policy ah a thawng ngai mi hi a si. President Joe Biden hi foreign policy ah a thawng ngai ve lai tiah zum mi a si, natein an zum lo ning bantuk in a kal i, a ralchia tak tak mi a si caah US mipi nih an duh lo ngai cang. A thar bik polls an langter nak ahcun President Joe Biden rating cu 45% a si.

Trump fanu, muidawh tuk mi, Ivanka Trump, 39, Jared, 40, Joseph, 7, and Theodore, 5 hna cu an chungkhar in Florida lei ah caan an hmang lio a si. Ivanka Trump hi apa January ah a rian a kal tak hnuah mipi hmai ah hmuh ding mi a tlawm ngai. June thla ah mipi hmai ah hmuh ding a vun lang i,

mah hnuah cun hmuh ding mi a um ti lo, an inn lei ah a chungkhar he caan tampi an hmang. Source nih a langter ning ahcun, Ivanka Trump hi apa Donald Trump, kum 2024 ah Presidential seat cuh a tim than lo ah cun politics tel a tim ti lo  tiah thei a si. Donald Trump Former spokesman Jason Miller nih a chim ning ahcun,

Joe Biden Afghanistan mual a pho tuk ruangah Trump cu mipi nih an hlam ngai i, a hlan nak in an duh chin tiin a chim. A chim chap ning ahcun “Zahan zan ah caan saupi former President he kan i chon. Kum 2024 ah President a cuh than lai ti 99-100% kar hrawng a si ti ka fiang”. tiin a chim

Florida GOP Rep. Matt Gaetz nih a chim ning ahcun Biden Afghan ah mual a pho tuk caah, former President Trump caah caan tha tuk mi a serpiak tiin a chim. Trump nih April thla ah 100% in 2024 seat cuh ding in ruahchannak a ngei ti arak chim cang konain, kum 2022 Mid terms House le Senate lak than a si khawhnak ding caah Republican candidate pawl fakpi in campaign in a bawmh lio hna a si. Cred-RTK

Author: admin

Leave a Reply

Your email address will not be published. Required fields are marked *