Uknak Chiahru Le Thawngpang Chia Lakah Thawng Tha Central Chin Pawlpi Sin in Kan Theih,

Central Chin Pawlpi, Kalaymyo nih Oxygen Refill Sehpi cu An Bun khawhcang Nihin 26-10-2021 ah vawlei cung killi i a ummi Chin mipipawl nih nan thawhkhawmmi  thanzaang in Oxygen Refill Sehpi cu tlamtling tein bunh khawh asi cang. 30-10-2021 ahkhin Pathian sinah pek channak le lung lawmh bia chim nak program  zong Covid phun zulhdawi in CCP EC le Oxygen sehpi  Kawmiti hna nih khuakhan nak in, Seh innpi ah tuah a si lai . Hih Program hi Online ah Live in thlah a si fawn lai.

Cun hi Seh pi hi mipi nih thawhkhawmmi a si bantuk in, tu kum 2021 chung cu Oxygen (40 ) Liter burkhat ah Ks. 5000/- in aho paoh rawn pial ding a si lai, Cun hi a man hi tu lio  Kalay she vial hrawn I Oxygen man acheuh tluk hrawng asi.

Cun hi kan Setpi hi Pathianih in akan pekmi a si bantuk in, tluang le tha tak in kan hman cio khawh nak dingah, A mah Pathian sinah Lunglawmh nak he pe chan cio Uh Sih. Oxygen Rawn a duh tu caah contact number: 09-402004953, 09-895290973

Thawngpang Dang…Khuarauh Har Taktak Asi Mi Nau Te Pakhat Chin Ram Chung Ah Achuak

Chin ram Kalay Khuapi, Sanpiah vengi I a um mi Pu Van Hu Lian le Pi Ngun Za Tial tei nupa nih tanglei mi kan hmuh mi bantuk in naute aaphun dang tuk mi cu tuzing oct.26, 2021 ah an ngei thiah thawng theih asi.

Atu bantuk in naute an ngeih mi hi achuah le cangka tein hi ti hin a um. A tak hi puan raangin tuammi bantuk in an raang cu a mah zong hi afa te asi. Atu bantuk in  Naute an nei mi cu Unau 6 nak asi. Tu ni October 26 hi sizung ah an um pi i Naute caah le a Nu le Pa In chung khurkhar caah thla cam le bawm nak ati kho mi paoh nih bawm cio hna uh si.

Hibantuk in Nuate phun dang in an ngei mi tarlang cu anuam lo tuk nain Chin mipi nih bawmh duhtu le tanpi aduh mi hna kan um sual caah asi. mipi  nih rak thei thiam hram uh. crd: Cung Bawi Hup. Hi thawngpang cu Chin Knowledge Media sin in lak mi asi.

Author: Main Editor

Leave a Reply

Your email address will not be published. Required fields are marked *