Vawlei Cung Tuanbia Ah Aum Ballomi Kum 3 Tlinglo Thongtla Bawhte Myanmar Ah Aum

Myanmar ramchung i thonginn minthang a simi Insein thongah ralhrang nih an thlakmi nute cu zoh ah lungthin nih a celh hrim lo. Amah cu a ra laimi Demember ah kum 3 a tling lai. A pa hi Rangoon khuapi sipin zung riantuantu pakhat a si. Ralhrangbu nih nawlngeihnak an lakmi duh loin a rian a chuahtak i CDM a tuah. Ralhrang nih March 30, 2021 ah tlaih dingin an kalhnawh i a zam caah hringtu a nu, a nupi le a fanu te cu an kalpi hna i Insein thongah an khumh hna.

Thong chungah bawhte le a nu cu hmunkhat ah chia loin a dangin an chiah rih hna tiah thong a tla vemi nih an chim. Atu tiang cu ngakchia nute (a ngaingai ti ahcun ngakchia ti hmanh a tlak rih lo, bawhte lawng a si rih) le a nu, cun a pi zong Insein thongah an um ko. Bawhte a si rihmi hmanh a tlai i thong a thla ngamtu ralhrangbu a rauh hlanah an donghnak phan hram ko seh.

Chinram Kulh chung zongah hi khuaruah har ngai asi ve mi cu ralhrang hna le mipi kilveng tu ral tatak akap mi ralkap (CAN, CDF) hna karlak ah fakpi in kahdoh nak achuah k olio ah Myone e hna ah cun primary sianginn cheukhat cu ralhrang hna nih November 1 ah khan an on than tiah teih asi. Hi chungah hin Myone kip in siangin akai mi hi Tedim Myone chung in minung 1782, Tonzang Myone chungin minung 4289, Matupi Myone in 17 le Paletwa Myone in 4964 an si i an dihlak fonh ah thonghra leng hi siangin akai mi an si tiah theih asi.

Asi nain atu le atu ral athawh lengmang nak Mindat, Kanpetlet, Thantlang, Halkha, Falam hna ah cun siangin hi an on ko nain siangin akai tu siang hngakchia an um loh tiah khuami cheuh khat nih an chim. Khuapi chung siangin hna leĀ  Ralhrang nih sianginn ah hmunhma an lak nak khua cheukhat lawngah siangin hi an on kho, khua lei ah hin cun atu tiang siangin an ong kho rih lo.

Khua lei I hngakchia hna zong an nunnak caah zeitikdah zei acan lai theih khawh asi lo caah siangin an kai hna lo tiah Paletwa i khuami pakhat nih Irrawaddy sin ah cun achim. Paletwa Myone ah hin Basic education siangin hi adihlak ah300 leng aum I, Khuapi chung siangin tlawmte lawng on khawh asi I, cun siangin akai tu minung zongĀ  an tlawm tuk tiah achim chap.

Author: Main Editor

Leave a Reply

Your email address will not be published. Required fields are marked *