Victoria Camp Lak Ding Aa timh Mi Ralhrang Chung In 5 An Thi Cang

May be an image of outdoorsOct ni 12 hrawng in Chinram Chung in Chin Ralkap an um nak Victoria camp lak ding in Motor 50 hrawng cu an kai I lampi khua kip ah hehtiah an duhduh an pah I nihin ah Falam in Halkha lei an phanh.  Cun Nihin October 13, 2021 zinglei sml. 10:00 hrawng in Hniarlawnthar pawng ah  kahdohnak aa thawk i SAC ralhrang lei in minung 5 an thi, tiah CNF chimnak nawlngei Salai Htet Ni nih a chim.

Hniarlawnthar khuate ah zinglei sml. 10:00 hrawng in i kahnak a um i, SAC ralhrang lei in minung 5 an thi. Kanmah CNA/CDF lei on mithi/thliampu kan um lo. Hmaitonh in kan i kap ti awk ngaingai a ttha lo. Anmah lei nih cun kahthlorh in an kah,” tiah Khonumthung ah a chim.

May be an image of outdoors and treeHniarlawnthar ah kum 13 pa ngakchia pakhat telh in minung 4 zong SAC ralharng nih an tlaih hna. Cun Lungpi le Hniarlawn khua mi hna cu “Khua ah um ngam a si ti lo caah hmundang ah an i tthial chung pah dih ko,” tiah Hniarlawnthar pastor pakhat nih The Chin Journal ah a chim.

Cu ralhrang hna nih Falam Peng Rialti khua ah Khrihfa Biak in pawl an hrawh i achung thilri pawl an lak dih, cun khuachung ah inn zuat satil Vok, Ar, Meheh pawl zong an that hna. Credit: the Chin Journal

 

 

Author: Main Editor

Leave a Reply

Your email address will not be published. Required fields are marked *