ZRA cu Min Aung Hlaing Ralhrang he Athli Tein Tonnak An Ngei

ZRA le SAC Tonnak an Ngeih caah kan Kah hna tiah CNF nih Chim. Tedim peng chung ah a cangmi Zomi Revolutionary Army (ZRA) le CNA hruaimi mipi ralkap bu karlak kahdohnak kong he pehtlai in “ZRA le SAC ralhrang karlak ton biaruahnak an ngeih caah kan kah hmasami hna a si,” tiah CNF chimnak nawlngei Salai Htet Ni nih Myanmar Now ah a chim.

December 17 zinglei ah Tedim he meng 20 hrawng a hlatnak Gawsing khuate ah ZRA le CNF hruaimi mipi ralkap bu karlak ah kahdohnak a chuak i khuami pahnih hliamhma an pu, tiah khuami nih an chim. Cu kong he pehtlai cun Salai Htet Ni nih, “Aruang bik cu SAC he ton biaruahnak an ngeih caah a si. Cucahcun, i runvennak ca ah kan kah hmasami hna a si,” tiah a chim.

Aluancia thla chung ah ZRA nih Tedim peng chung i PDF sakhaan hmun 3 ah luh hnawhnak an tuah i, sakhaan hrawhpiak hna pin ah December 5 zong ah PDF-Zoland i an hruaitu pakhat a simi Pu Cin Sian Suan cu a inn ah meithal in an rak kah. “Ralkap uknak ahram chah ding in kan doh cuahmah lio ah atu bantuk i an (ZRA) rianttuannak hi kan duh lo ngai. A si awk zong a si lo. SAC le ZRA hi an ttang tti ngaingai cang maw timi zong theih a har ngai,” tiah Salai Htet Ni nih a chim chap.

CHRISTMAS KAN TUAH LAI MAW?- Christmas a hua cemtu cu Jehovah Witness an si. An duhlo nak cu phun 4 in an langhter.

  • ▪Jesuh nih a chuahni siloin thihni philhlonak lawng tuah dingin a kan cawn piak.(Lu 22:19)
  • ▪Apostle chan ah Christmas an tuah lo.
  • ▪Dec 25 ah Jesuh a chuak ti Bible aum lo
  • ▪Dec 25 cu Roman Pathian puai ni (Pagan Custom) asi. (Watch Tower Announcement) .An chimi hi a dik dih. Asinain Christmas muru an hrelh..

(1) CHRISTMAS CU AHO NIH DAH A RAK TUAH HMASA CEM?- Vancungmi hrimhrim nih tukhal hna sinah Jesuh chuahnak thawng an thanh hna. **Rel cawk lo vancungmi cu van in an rak lang i, Jesuh cu Sunparnak le thangthatnak an pek. **Tuukhal hna nih an tuu cu an kaltak i, cawrawl einak kuang chung an thlimmi hngakchia cu an biak. Cun an chuak i, Messiah a chuak cang tiah lawmhnak thawngțha an thanh. **Tuukhal hna nih cun an hmuhmi le an theihmi kongah Pathian cu Sunpatnak le Thangthat an pek. **Kum hnih a rauh hnu ah Ni Chuah lei Mifim hna nih Jesuh cu laksawm man sung he an lawmh piak.

ZEITIN DAH KHRIHFA NIH JESUH CHUAH CU KAN LAWMH VE LAI-**Nan caah Messiah kan thlah piak hna lai atitu Pathian Biakamnak le Profet bia cu Jesuh chuahnak ah a tling caah Pathian cu kan thangthat lai. Kan i lawm lai.
** Pathian nih zeizong vialte a tuah khawh. Nungak Virgin in Jesuh a chuahnak cu Khuaruahhar asi. Pathian cu Khuaruahhar Pathian asi caah kan thangthat lai. Kan lawmh lai.** Jesuh cu vawlei ceunak asi. Khuamui lak i aum mi kan nih misual caah Ceunak cu a sunglawi tuk. Meivan, Candle van in kan lawmh lai. **Jesuh cu Singpahrang ah Siangpahrang bik. Bawi ah Bawi bik asi. A kan Khamhtu asi caah Thangthat lo le lawmh lo awk a tha lo. DEC 25 A NI KAN LAWM LO. A CHUAK MI AMAH JESUH TU KAN LAWMH MI ASI….Amen.

Rom 14:5-6- “Mi pakhat nih, ni pakhat cu ni dang nakin a biapi deuh tiah a ruah, cun a dang pakhat nih, ni cu an i khat cio ko, tiah a ruah ve. Anmah le an ruahning cio kha fiang tein an ruah awk a si ko. Ni pakhat cu sung khun in a ruatmi nih khan cu ti i a ruah cu Bawipa upatnak in a ruah caah a si…” Christmas kan tuah mi le kan lawmh mi ruangah Pathian nih sual a kan phaw hrimhrim lai lo. Rel cawk lo vancungmi le Tuukhal le Migim hna hmanh nih an rak lawmh… Jocob R.Thang

Author: admin